«ԵԿՄ բաժանմունքներում չկա մեկը, որն Արամ Սարգսյանի թեկնածությանը դեմ լինի».Գեղամ Սմբատյան(ԵԿՄ Աշտարակի տարածքային բաժանմունքի նախագահ) (video)
Այսօր Հայելի ակումբում լրագրողների հետ հանդիպմանը ԵԿՄ վարչության փոխնախագահ Համլետ Հայրապետյանն ասաց, որ իրենք Աշտարակի ձորում ինքնաբուխ հավաք են անցկացրել, որին մասնակցել են ԵԿՄ մարզխորհրդի նախագահները, ու բոլորը դրական են արտահայտվել Ա. Սարգսյանի թեկնածության վերաբերյալ: ԵԿՄ Աշտարակի տարածքային բաժանմունքի նախագահ Գեղամ Սմբատյանն էլ նշեց, որ ԵԿՄ-ում վարչության նախագահ չկա, ԵԿՄ-ն շատ ծանր կացության մեջ է հայտնվել, ու պետք է ընտրել այնպիսի վարչության նախագահ, որը բոլորի կողմից ընդունելի կլինի. «Բոլոր բաժանմունքի նախագահներն ու մարզխորհրդի նախագահներն իրենց զորակցությունը հայտնեցին, որ կանգնած են Ա. Սարգսյանի կողքին: Հիմա այնպիսի իրավիճակ է, որ բոլոր ընտրող մարմինները պատվիրակներ են ընտրել, որոնք մասնակցելու են համագումարին ու ընտրելու են վարչության նախագահին»: Գեղամ Սմբատյանի խոսքով՝ ԵԿՄ բաժանմունքներում չկա մեկը, որն Արամ Սարգսյանի թեկնածությանը դեմ լինի: Մանրամասները՝ տեսանյութում.
Հետևեք մեզ Viber-ում
