Սաակաշվիլին՝ ավագ որդու ամուսնության մասին
Միխայիլ Սաակաշվիլին հայտարարել է իր ավագ որդի Էդուարդի՝ դեռ Սուորթմոր քոլեջից իր սիրեցյալ Ադինա Մելվուս-Պետրուսի (Փենսիլվանիա) հետ ամուսնության մասին:
Վրաստանի նախագահն իր ֆեյսբուքյան էջին գրել է, որ մեկնել է Ամերիկա՝ Ֆիլադելֆիայում իր որդու հարսանիքին մասնակցելու համար: «Որքան արագ է թռչում ժամանակը. թվում էր, մենք երեկ էինք կանգնած եկեղեցում Ամերիկայում (իսկ դա հեռավոր 1993-ին էր): Լուսանկարին իմ որդի Էդուարդի կողքին Ադինա Մելվուս Պետրուսն է՝ մեր ընտանիքի նոր անդամը: Այստեղ, ինձանից և Սանդրայից բացի, մեր կրտսեր որդին է՝ Նիկոլոզը, իմ մայրը և Սանդրայի հայրը»,- գրել է Սաակաշվիլին:
Սաակաշվիլիի խոսքով՝ Էդուարդն աշխատում է որպես ռադիոհաղորդումների պրոդյուսեր և համագործակցում է BBC-ի և National Public Radio-ի հետ: Ինչ վերաբերում է Ադինային, ապա նա աշխատում է ոչ կառավարական կազմակերպությունում և ինտենսիվորեն վրացերեն է ուսումնասիրում:
Հետևեք մեզ Viber-ում
