Ինչ է հայտնում Հայկ Սարգսյանը
մամուլում լուրեր էին շրջանառվում, որ ԱԱԾ-ի խուզարկության ժամանակ Ալեքսանդր Սարգսյանի տանը հայտնաբերված թմրանյութերից, Սարյանի նկարներից, թանկարժեք ժամացույցներից ու մեքենաներից բացի, այլ ուշագրավ ապրանք նույնպես պետք է լիներ, որի ծագման մասին քչերը գիտեն:
Խոսքը մի գորգի մասին է, որը 1982 թվականին «Հայգորգ» ձեռնարկությունում է արտադրվել և ոսկե ֆոնդի միակ նմուշն է եղել: Գորգի անունը «Հայաստան» է և վաճառքի համար նախատեսված չի եղել: Slaq.am-ը կապ հաստատեց Ալեքսանդր Սարգսյանի որդու՝ Հայկ Սարգսյանի հետ, ով հերքեց իրենց բնակարանից ոսկե ֆոնդի միակ նմուշ համարվող գորգ հայտնաբերելու մասին լուրերը՝ ավելացնելով, որ անգամ իրականությանը չի համապատասխանում բնակարանից թմրամիջոցներների հայտնաբերման մասին խոսակցությունները:
«Նախ ասեմ, որ ԱԱԾ աշխատակիցները մեր բնակարանից խուզարկությամբ ոչինչ չեն հայտնաբերել, պարզապես հարցրել են ինչ ունենք՝ մենք ոչինչ չենք թաքցրել, ինչ եղել է մեր տանը՝ հանել ներկայացրել ենք: Այդ ոսկեղենը եղել է նվերներ, իսկ զենքերը ևս եղել են օրինական, այսինքն՝ մեր բնակարանից անօրինական ոչինչ չեն հայտնաբերել: Այն ամենն ինչ ներկայացրել ենք ԱԱԾ այս պահին արգրավված է միայն փորձաքննության համար»,- ավելացրեց Հայկ Սարգսյանը:
Հետևեք մեզ Viber-ում
