Սերժ Թանկյանը՝ Նիկոլ Փաշինյանի, Տիգրան Մանսուրյանի եւ Արայիկ Հարությունյանի հետ հանդիպումների մասին
Աշխարհահռչակ ռոք երաժիշտ Սերժ Թանկյանն ու նրա կինը՝ Անժելա Մադաթյանը, շարունակում են վայելել իրենց ամառը Հայաստանում՝ այն համատեղելով կարեւոր հանդիպումների հետ: Երեկ Թանկյանն ու Անժելան եղել են TUMO-ում, որտեղ հանդիպել են վարչապետ Նիկոլ Փաշինյանին եւ Կրթության եւ գիտության նախարար Արայիկ Հարությունյանին: Այսօր Թանկյանը նրանց հետ լուսանկարներ է հրապարակել Instagram-ի իր էջում:
«Շնորհակալ եմ վարչապետ Նիկոլ Փաշինյանին, որ այցելեց TUMO կենտրոն եւ աջակցեց մեզ: Բառերս չեն հերիքում, որ նկարագրեմ այս մարդուն եւ նրա հրաշալի թիմին: Նա ամեն օր իրականացնում է մեր բոլոր հույսերն ու երազանքները՝ կապված այս փոքրիկ, բայց հրաշալի ազգի հետ»,-Փաշինյանի հետ լուսանկարը մակագրել է Թանկյանը՝ չմոռանալով նաեւ ավելացնել «Նոր Հայաստան» եւ «դուխով» հեշթեգերը:
Նույն օրը աշխարհահռչակ երաժիշտը մասնակցել է նաեւ Creative Armenia մշակութային հիմնադրամի մեկամյակին նվիրված միջոցառմանը, որտեղ էլ հանդիպել է Տիգրան Մանսուրյանին:
«Անժելան եւ ես լուսանկարվել ենք Հայաստանի ամենաանվանի երաժիշտներից մեկի՝ Տիգրան Մանսուրյանի հետ՝ Creative Armenia-ի միջոցառման ժամանակ, որը տեղի է ունեցել Հայաստանի ազգային պատկերասրահում»,-լուսանկարն կից գրել է նա:
Հետևեք մեզ Viber-ում
