Եթե կարծում եք, որ դարձել եք անարդարության զոհ, անհրաժեշտ փատաթղթերով դիմեք վարչապետի աշխատակազմ. փոխվարչապետ
ՀՀ առաջին փոխվարչապետ Արարատ Միրզոյանը կոչ է անում իրավունքները խախտված անձանց դիմել վարչապետի աշխատակազմի Քաղաքացիների ընդունելության եւ դիմումների քննարկման վարչություն: Այս առնչությամբ Արարատ Միրզոյանը Facebook-ի իր էջում գրել է. «Սիրելիներս, եթե դուք կարծում եք, որ որեւէ հարցում դարձել եք անարդարության զոհ, խախտվել են ձեր իրավունքները եւ/կամ կա որեւէ խնդիր, որը պետք է բարձրաձայնել, շատ եմ խնդրում ֆեյսբուքով մի երկու տողով հաղորդագրություն գրելուց բացի ձեր դիմում-բողոքները ներկայացնել վարչապետի աշխատակազմի Քաղաքացիների ընդունելության եւ դիմումների քննարկման վարչություն՝ կցելով անհրաժեշտ փաստաթղթերը՝ հարցի օպերատիվ եւ արդյունավետ բարձրացման, պատշաճ կարգով հետագա ընթացքի ապահովման եւ հնարավոր լուծման նպատակով։ Վստահ եղեք, որ ձեր բարձրացրած բոլոր խնդիրները լրջորեն ուսումնասիրվում են»։
Հետևեք մեզ Viber-ում
