Լարսում կիլոմետրերով ձգվող հերթում բացառապես հայկական համարանիշով մեքենաներ են. ինչո՞ւ չեն թողնում անցնել հայ վարորդներին
«Ժամանակ» թերթը գրում է․ «Ձմռանը՝ բքից, ամառը՝ հերթերից, տարվա բոլոր ամիսներին Լարսը կա´մ փակ է, կա´մ խնդրահարույց: Հիմա էլ հայ վարորդներն արդեն մեկ շաբաթ է՝ անցակետում են: Վարորդները դժգոհում են իրենց անհարկի օրերով անցակետում կանգնեցնելուց, դրա դիմաց վճարումներ գանձելուց, հերթերը շրջանցելուց: «Մեր վերջն ինչ պետք է լինի: Ինչքան պետք ա էսպես տանջված, կիսաքուն գերի մնանք անցակետում: Ո´չ թողնում են անցնենք, ո´չ էլ հետ գնանք մեր տները: Մարդիկ՝ վրացիները, գալիս են առանց հերթի անցնում, գնում են, իսկ մենք գերիի պես սուտկաներով մնում ենք կանգնած»,- «Ժամանակ»-ի հետ զրույցում դժգոհեց վարորդներից Կարեն Արամյանը՝ պատճառաբանելով, որ հենց բացատրություն են պահանջում, իրենց պատասխանում են, որ «մեր պրավիտիլստվան» է մեղավոր, իրենք էին ուզում, որ «կոմֆորտ», հարմարավետ լինի, եղել է, թող չբողոքեն: եղել է, թող չբողոքեն: «Ճանապարհը սարքված է, որ մարդիկ՝ հայերը, ռուսները, վրացիները, ադրբեջանցիները գնան-գան: Ճանապարհը սարքված չէ, որ խտրական մոտեցում ցուցաբերվի: Բայց երեք օր ա՝ ես կանգնած եմ, մարդիկ գալիս-գնում են, իսկ ես դեռ էդպես էլ անցակետում եմ»,- դժգոհեց մեկ այլ վարորդ: Անցակետում կիլոմետրերով ձգվող հերթում բացառապես հայկական համարանիշով մեքենաներ են, ընդ որում, բեռնված հիմնականում գյուղմթերքով: Վարորդներն անցակետի կայանատեղիում կանգնելու համար ամեն օր պարտադիր վճարում են կատարում»,-գրում է թերթը: Նյութն ամբողջությամբ կարդացեք թերթի այսօրվա համարում:
Հետևեք մեզ Viber-ում
