«Ինչպե՞ս կարողացաք գիշատիչներին դարձնել կատու».հարց՝ վարչապետին
ՀՀ վարչապետ Նիկոլ Փաշինյանը գորիսեցիներին վստահեցրեց, որ Հայաստանում անձեռնմխելի մարդիկ այլևս չկան ու չեն լինելու։ «Հայաստանում թավշյա հեղափոխությունը հեղաշրջում է կատարել մարդկանց հոգիներում ու գիտակցության մեջ: Դուք հեղաշրջում եք կատարել նաև կենսաբանական մթնոլորտում՝ խոշոր կենդանիներին՝ ընձառյուծներին, գիշատիչներին դարձրել եք կատու, ինչպե՞ս է հաջողվել»,- նման հարցով դիմելով վարչապետ Նիկոլ Փաշինյանին՝ հարցրեց Գորիս քաղաքի բնակիչներից մեկը: «ՀՀ-ում անձեռնմխելի մարդիկ չկան: Կառավարությունն ունի ձեր աջակցությունը, ես՝ որպես վարչապետ, որևէ մեկից կախվածություն չունեմ, մենակ՝ ժողովրդից: Էնքան, ինչքան դուք կանգնած եք մեր կողքին, ՀՀ-ում զարգացման, օրինականության պրոցեսները շարունակվելու եմ: Քրեական դատավարության մեջ կա այսպիսի սկզբունք, գոյություն ունի անմեղության կանխավարկած, որ մարդն ինքը պարտավոր չէ ապացուցել իր անմեղությունը, դատախազությունը, իրավապահ մարմինները պետք է ապացուցեն անձի մեղավորությունը։ Ես չեմ ասում այսինչ անձը հանցագործ է, ես ոչ քննիչ եմ, ոչ դատախազ։ Ես ասում եմ, որ Հայաստանում անձեռնմխելի մարդիկ չկան՝ սկսած ինձնից՝ վերջացրած մյուսներից»,- ասաց Փաշինյանը:
Հետևեք մեզ Viber-ում
