Որեւէ մեկը ձեր ներդրումը չի խլի,ես եմ երաշխավորում. վարչապետ

«Մեղավոր եմ  զգում, որ #ԻմՔայլը քայլարշավի ժամանակ Սյունիքով չենք կարողացել անցնել. Բայց եթե Մեղրիից սկսեինք, հիմա երեւի նոր հասնեինք Երեւան: Այնպես որ՝ արդարացում ունենք»,- Սիսիանի կենտրոնական հրապարակում  հայտարարեց վարչապետ Նիկոլ Փաշինյանը: Իմ այցի նպատակը սյունեցիների առաջ ցույց տալն է, որ այն հաղթանակը, որը տեղի է ունեցել, նաեւ Սյունիքի բնակիչներինն է: Քաղաքացիներից մեկի հարցին՝ կապված համայնքների խոշորացման հետ, վարչապետը պատասխանեց. «Համայնքների խոշորացման գործընթացը շատ վիճահարույց խնդիր է:Հիմա մենք, ըստ էության, ունենք մի իրավիճակ, երբ բազմաթիվ համայնքներ խոշորացվում են, եւ այդ իրավիճակի հետ կապված իմ կարծիքն այն է, որ մենք պետք է մի պահ դադար առնենք, տեսնենք՝ ինչ արդյունքներ են գրանցվում այդ խոշորացված համայնքներում, եւ գրանցվում են արդյո՞ք: Ես կարող եմ ասել, որ մեր կառավարությունը պարտավորվում է առանց համայնքների համաձայնության խոշորացման որեւէ գործընթաց ՀՀ-ում չանել: Բայց ես չեմ կարծում, որ հարցի լուծումը եղած որոշումները հետ ողորմյա անելն է»,- ասաց վարչապետը: Անդրադառնալով  «Մարդիկ պետք է մտավախություն չունենան, թե որեւէ մեկը իրենց ներդրումը կխլի, փայ կմտնի, եւ այլն: Իրենք պետք է գան, ներդրումեր անեն եւ աշխատատեղեր ստեղծեն»,- ասաց վարչապետը՝ կոչ անելով աշխարհի բոլոր սիսիանցիներին, ովքեր գնացել են Հայաստանից, ուրիշ տեղ աշխատել ու կապիտալ կուտակել, գան ու Սիսիանում աշխատատեղեր ստեղծեն: Փաշինյանն ասաց, որ ինքն անձամբ է երաշխավորում բոլոր մարդկանց ներդրումների անվտանգությունը: «Ես երաշխավորում եմ, որ որեւէ մեկը ձեր ներդրումը չի խլի, որեւէ ապօրինություն չի անի»,- մեկ այլ հարցի՝ վարչապետն ասաց, որ իրենց ծրագրում մտնում է նաեւ տարբեր ծրագրերի ֆինանսավորումը: Նա նշեց, որ կառավարությունը ցանկություն ունի ազատականացնել տնտեսական դաշտը: