Որոշումն ընդունելու են, բայց փողը չեն տալու տիկին Մակունց. Փաշինյանը կատակեց
Հայաստանի պատմության թանգարանում նախատեսվում է ստեղծել «Հայ-իտալական մշակութային ժառանգության կենտրոն»: Այս նպատակով կառավարությունն իր այսօրվա նիստում որոշում կայացրեց Հայաստանի պատմության թանգարանին որպես նվիրաբերություն տրամադրելու համար ՀՀ մշակույթի նախարարությանը 2018 թվականի ինն ամսում հատկացնել 9,72 մլն դրամ` ՀՀ կառավարության պահուստային ֆոնդի հաշվին: Նախարարը նշեց, որ մեկ տարվա ընթացքում իտալական կողմի ներդրումների քանակը կազմելու է 350 հազար եվրո, ինչպես նաև այս դեպքում հնարավոր չի եղել պահուստային ֆոնդ տեղափոխել միջոցներ, իսկ նախահաշիվը երկու օրում կներկայացնեն: Ֆինանսների նախարար Ատոմ Ջանջուղազյանը նշեց, որ նախագիծը պետք է ընդունել պայմանով, որ իրենց հնարավորություն տան երկօրյա ժամկետումմենք օրենքի կարգավորման դաշտում տեղավորվեն: Նիկոլ Փաշինյանն էլ կատակով արձագանքեց. «Ես սկզբից ժպտում էի, որովհետեւ ինձ թվում էր, որ հիմա կասեք՝ ես առաջարկում եմ որոշումն ընդունել, բայց հնարավորություն տալ, որ փողը չտան: Բայց արդյունքում այդպես էլ ստացվեց, ճիշտ էլ հասկացել էի: Փողը չեն տալու տիկին Մակունց»:
Հետևեք մեզ Viber-ում
