Հենաշարժողական խնդիրներ ունեցող երեխաների համար նախատեսված դպրոցում սովորում են հենաշարժողական խնդիրներ չունեցողներ. Անահիտ Բախշյան (video)

Այսօր Հայելի ակումբում լրագրողների հետ հանդիպմանը կրթության փորձագետ Անահիտ Բախշյանը հերթական անգամ բարձրացրեց ներառական կրթության ապահովման առաջ ծառացած խնդիրները. «Բան այն է, որ համընդհանուր ներառման անցնելու գործընթացը պետք է սկսի հատուկ դպրոցների վերակազմավորումից, այսինքն՝ մանկավարժահոգեբանական ծառայությունների կենտրոններից: Այն հատուկ դպրոցները, որոնք պետք է դառնային մանկավարժահոգեբանական ծառայությունների կենտրոններ, մինչ օրս չեն դարձել: Ինչու՝ պատճառները շատ են, որոնցից մեկն այն է, որ այդ հատուկ դպրոցների տնօրենները և շահագրգիռ տարբեր մարդիկ, ժամանակին այդ գործընթացը չեն սկսել»:Բախշյանի խոսքով՝ Երևանում 4 հատուկ դպրոց պետք է անցներ մանկավարժահոգեբանական ծառայությունների կենտրոնի, սակայն, ըստ Բախշյանի, այդ հատուկ դպրոցները ընդհատակյան գործողություններ են արել՝ տարածել են, թե այդ դպրոցներում սովորող երեխաների կրթության իրավունքը ոտնահարվում է և այլն: «Այդ դպրոցներից մեկը նախարարության ենթակայության տակ գտնվող թիվ 17 հատուկ դպրոցն է, որը հենաշարժողական խնդիրներ ունեցող երեխաներ են սովորում: Երբ նայում ենք այդ դպրոցի կայքը, որտեղ կան միջոցառումների նկարներ, տեսնում ենք, որ մասնակիցները բացառապես նրանք ենք, ովքեր չունեն հենաշարժողական խնդիրներ, միայն կարող ենք նկատել հատուկենտ երեխաներ, որոնք սայլակի վրա են: Հարց՝ ինչու են այստեղ սովորում ոչ հենաշարժողկան խնդիրներ ունեցող երեխաներ, արդյոք այդ դպրոցը հարմարացվեծ խնդիրներ ունեցող երեխաներին: Կայքում տեղ կա ՝ շինություն, սակայն սեխմում ես ու տեսնում, որ որևէ բան չկա, և պարզ չէ՝ այդտեղ վերելակ կա, թեքահարթակները հարմար են, թե՝ ոչ»,-շեշտեց Անահիտ Բախշյանը: Մանրամասները՝ տեսանյութում.