Արտակարգ իրավիճակ Լարսի անցակետում. 1500-ից ավելի հայկական բեռնատարներ քանի օր է՝ չեն կարողանում անցնել սահմանը . ՖՈՏՈՌԵՊՈՐՏԱԺ, ՏԵՍԱՆՅՈՒԹ

Արդեն մի քանի ժամ է, SHAMSHYAN.com-ը հեռախոսազանգեր է ստանում մեծ թվով ՀՀ քաղաքացիներից, ովքեր բարձրաձայնում են, որ մի քանի օր է՝ Հայաստանի սահմանից իրենք բեռնատարներով անցել և հասել են Լարսի սահման, սակայն այնտեղ լրիվ տիրում է անարխիա, ու հայ վարորդներն արժանանում են արհամարհանքի։ Ահազանգողները նշում են, որ բեռնատարների թիվն անցնում է 1500-ը, և շատ բեռնատարներ բարձված են գյուղմթերքներով, հիմնականում՝ ծիրան։ Նրանք ասում են, որ տեղի աշխատակիցները (նկատի ունենալով ռուսներին) արհամարհական պատասխաններ են տալիս իրենց, ու իրենք խնդրում են, որպեսզի վարչապետ Նիկոլ Փաշինյանը իր հսկողության տակ վերցի խնդիրը, քանի որ ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանից հույս չունեն, որ նա միջոցներ կձեռնարկի ՀՀ քաղաքացիներին օգնելու համար։ SHAMSHYAN.com-ը փորձում է նախարարությունից խնդրի վերաբերյալ ստանալ մեկնաբանություն։