Պետական պահպանություն պարտադիր կտրամադրվի նաև վարչապետի թեկնածուին
«Հատուկ պետական պաշտպանության ենթակա անձանց անվտանգության ապահովման մասին» օրենքում նոր փոփոխություններ են կատարվել, որը ուժի մեջ է մտել ապրիլի 9-ին: Ինչպես գիտենք, օրենքի 5-րդ հոդվածը սահմանում էր, որ պետական պահպանություն տրամադրվում է՝ 1) Հանրապետության նախագահին. 2) վարչապետին. 3) Ազգային ժողովի նախագահին: Այս շարqում ավելացել է նաև վարչապետի թեկնածուն, ով նույնպես այսուհետ պարտադիր պետական պահպանություն կստանա: Հանրապետության նախագահը, վարչապետը և Ազգային ժողովի նախագահը՝ իրենց պաշտոնավարման ժամանակահատվածում իրավունք չունեին հրաժարվել պետական պահպանությունից: Օրենքում կատարված նոր փոփոխություններով՝ պետական պահպանությունից իրավասու չէ հրաժարվել նաև վարչապետի թեկնածուն՝ մինչև վարչապետ նշանակելու հարցի լուծումը: Իսկ այլ պետական պաշտոնյաներին այժմ պետական պահպանություն կարող է տրամադրվել միայն վարչապետի որոշմամբ և կարող է իրականացվել վարչապետի սահմանած իրավասու պետական մարմնի կողմից:
Հետևեք մեզ Viber-ում
