Նազիկ Ամիրյանի ցուցումով են ԵԿՄ շենքից մեքենաներով տեղափոխել պահածոները.ոստիկանապետ (video)
«Անձին ձերբակալում են բավարար հիմքեր ունենալու պարագայում: Կան բացատրություններ ու ցուցմունքներ, որ Նազիկ Ամիրյանի ցուցումով են ԵԿՄ շենքից մեքենաներով տեղափոխվել պահածոները: Այդպես է եղել, ես պնդում եմ, կան համապատասխան բացատրություններ, ցուցմունքներ, որով մենք տեղեկություններ ենք ստացել, որ հենց տիկին Նազիկի ցուցումով են փորձել տեղափոխումն իրականացնել,- լրագրողների հետ ճեպազրույցում , անդրադառնալով Մանվել Գրիգորյանի կնոջը՝ Նազիկ Ամիրյանին ձերբակալելուն,ասաց ՀՀ ոստիկանապետ Վալերիյ Օսիպյանը: Լրագրողներից մեկի հարցին, թե ինչպես է լինում, որ ոստիկանությունը սխալ հասցեով է գնում, որոշ մարդկանց ձերբակալում է, հետո բաց թողնում, որին ի պատասխան Վալերիյ Օսիպյանը նախ խնդրեց հիշեցնել, թե երբ են իրենք սխալ հասցեով գնացել ու հավելեց. «Ոստիկանությունը մոտավորապես չի աշխատում, ոստիկանությունը մի գերատեսչություն է, որ պարտադիր հիմք ու տեղեկություններ պետք է լինեն: Սխալ հասցեով չենք մտել ու չենք էլ պատրաստվում մտնել»:
Հետևեք մեզ Viber-ում
