Որն է լինելու Կարեն Կարապետյանի հաջորդ հանգրվանը
Հայաստանի նախկին վարչապետ Կարեն Կարապետյանը լքելու է Հայաստանի Հանրապետական կուսակցության նախագահի առաջին տեղակալի պաշտոնը. լրագրողների հետ զրույցում լուրը հաստատել է ՀՀԿ խոսնակ Էդուարդ Շարմազանովը: Կարեն Կարապետյանը Հայաստանի քրեաօլիգարխիայի այն ներկայացուցիչներից մեկն է, որի համար Հայաստանը նույնանում է միայն իշխանության, պաշտոնի հետ: Կարեն Կարապետյանը ՀՀԿ-ին անդամագրվեց 2016 թվականի նոյեմբեր ամսին, սեպտեմբերին Սերժ Սարգսյանն արդեն նրան էր հանձնել վարչապետի պաշտոնը ինչ-ինչ հանգամանքներից ելնելով: Հենց այդ պաշտոնի դիմաց էր, որ էությամբ ու հոգով մենեջեր Կարեն Կարապետյանը համաձայնեց անդամակցել ՀՀԿ-ին, ավելին մեկ գիշերվա ընթացքում սովետական հին ու բարի ժամանակների ոգով 7 հազար գազավիկների էլ իր հետ քարշ տալ կուսակցություն: Կարեն Կարապետյանի համար, անկասկած, կապ չունի , թե որտեղ էր մտնելու, դա էր թելադրում իր շահը, ուրեմն ի գործ: Վարչապետական երկու տարիների ընթացքում Կարեն Կարապետյանն ու իր մերձավորները, որոնք վարչապետի թեթեւ ձեռքով նշանակվեցին տարբեր պաշտոններում, ասպատակեցին Հայաստանի տնտեսությունը, փոխարենը մի քանի անգամ մեծացրեցին սեփական կարողությունը՝ օֆշորային հաշիվներից սկսած, վերջացրած մյուս բիզնեսները, հակառակ դրան Կարեն Կարապետյանը ի պաշտոնե տապալվեց բոլոր ոլորտներում, չկատարեց մինչեւ անգամ ներդրումների մասին հստակ հնչեցրած իր խոստումը: Նրանից վառ հուշ մնացին միայն նորաձեւ ժիլետներն ու հաղորդակցության լակոնիկ տոնը եւ քցողի համբավը, որը նա ձեռք բերեց Սերժ Սարգսյանի նկատմամբ ցուցաբերած իր դիրքորոշումը, որի արդյունքում Նիկոլ Փաշինյանին հաջողվեց հասնել Սերժ Սարգսյանի հրաժարականին: Կարեն Կարապետյանը ծածուկ հույս էր տածում, որ խորհրդարանական Հայաստանում էլ վարչապետի պաշտոնն իրեն է հասնելու, նա արտաքուստ ընդունում էր Սերժ Սարգսյանի ցանկացած առաջարկ, բայց նրա ետեւից դավեր նյութում վերջինիս դեմ, վկան ապրիլյան հեղափոխության առաջին քսանօրյակը, երբ Կարապետյանների ջանքերով Հայաստանի ու աշխարհի տարբեր ծագերում հայությունը դուրս էր գալիս Սերժ Սարգսյանի դեմ: Նախկին վարչապետի կարծիքով ինքը ՀՀԿ-ում անփոխարինելի էր եւ այդ պատճառով էլ պետք է ստանձներ իշխանության ղեկը, նա մինչեւ վերջ էլ այնքան ադեկվատություն ձեռք չբերեց հասկանալու համար, որ ՀՀԿ-ն եթե ցանկանար անգամ պոլիփետից վարչապետ կկերտեր: Ի՞նչ գործ ունի Կարեն Կարապետյանը ՀՀԿ-ի հետ, եթե վերջինս այլևս չի նույնանում իշխանության հետ, եթե այլեւս նա պաշտոն չունի: Կարեն Կարապետյանը 2011-ին նույնիսկ Երևանի քաղաքապետի պաշտոնը լքեց, երբ հայրենի «Գազպրոմը» նրա համար Մոսկվայում ավելի շահավետ ախատատեղ առաջարկեց: Մենք արդեն տեղեկություն ենք հրապարակել, որ Կարեն Կարապետյանին նոր իշխանություններն են հորդորել մի կողմ քաշվել, եթե ցանկանում է պահպանել իր ունեցվածքը, հետեւաբար Կարեն Կարապետյանը ոչ թե օր, այլ ժամ առաջ պետք է հանուն իր ունեցվածքի փախուստի դիմեր ՀՀԿ-ի առաջին փոխնախագահի պաշտոնից: Հետաքրքիր է՝ որը կամ որտեղ է լինելու Կարեն Կարապետյանի հաջորդ հանգրվանը, ով կամ որտեղ են նրան շահավետ առաջարկ անելու, հանուն որի նա իր հերթական ապաստանի հարցը կլուծի: Անի Սահակյան
Հետևեք մեզ Viber-ում
