Թուրք պաշտոնյաները տեղյակ չեն Անթիլիասի դատից. Արամ Սրբազան
Ստամբուլի «Ժամանակ» օրաթերթը գրում է. Մեծի Տանն Կիլիկիո կաթողիկոսության`Սիսի պատմական կաթողիկոսության հողատարածքին վերատիրանալու դատի մասին տեղյակ չեն թուրք պաշտոնյաները: Այս մասին գրում է Պոլսի «Ժամանակ» օրաթերթի խմբագիր Արա Գոչունյանը: Նշվում է նաև, որ Պոլսի պատրիարքարանի ընդհանուր փոխանորդ Տ. Արամ Արք. Աթեշյանը այս և այլ թեմաների մասին խոսել է պատրարքարանի հարկի տակՍուրբ Ծնունդի տոնի առթիվ տեղի ունեցած ընդունելության ժամանակ: Սրբազաննն ընդգծել է, որ ինքն այդ խնդրի մասին խոսել է Թուրքիայի Վաքըֆների տնօրենի հետ(Ատնան Էրթիմ), և վերջինս Սրբազանին փոխանցել է, որ իրենք այդ մասին տեղեկություններ չունեն: Խոսելով դատական գործընթացի մասին` Արամ Սրբազանը հայտնել է, որ իր կարծիով` նման դատը պետք է ներկայացվի առաջին աստիճանի դատարաններում, մինչդեռ Անթիլիասի կաթողիկոսությունը դատ է բացել Թուրքիայի սահմանադրական դատարանում: Արամ Սրբազանը ասել է նաև, որ ինքը վստահ չէ այդ դատի հաջողության վրա, և եթե դատը հաջողվի, ապա Թուրքիայի կառավարությունը ու ՞մ պետք է հանձնի այդ հողատարածքը: Պատրիարքական տեղապահը մանրամասներ է փոխանցել այս նյութի վերաբերյալ Արամ Ա կաթողիկոսի հետ իր ունեցած զրույցների մասին, որոնք ամբողջական չեն: Նա հիշեցրել է, որ Պոլսի հայոց պատրիարքությունը 1915-ից առաջ իր հովանու տակ ուներ շուրջ 2000 եկեղեցիներև կալվածքներ` հարց տալով, որ եթե Թուրքիայի կառավարությունը համաձայնի Սիսի հողատարածքը հանձնել Անթիլիասին, ապա ի ՞նչ պիտի լինի մյուս եկեղեցիների և կալվածքների ճակատագիրը:Սրբազան հայրը ավարտին նկատել է տվել, որ Կիլիկիայի կաթողիկոսության ներկայացրած դատական հայցը քաղաքական է և ասել է. «Ես կասկածում եմ այս դատի հաջողության վրա, սակայն պետք է ընդունել, որ սա դարձել է քաղաքական հարց»:
Հետևեք մեզ Viber-ում
