ՕՊԵԿ+ երկրները որոշել են ավելացնել նավթի արդյունահանման ծավալները

ՕՊԵԿ+ խմբի ութ երկրներ համաձայնության են եկել օգոստոս ամսից ավելացնել նավթի արդյունահանման ծավալները՝ օրական 548 հազար բարելով։ Այս մասին նշված է կազմակերպության պաշտոնական հաղորդագրությունում։

Որոշումը հիմնավորվում է համաշխարհային տնտեսության կայուն զարգացման կանխատեսումներով և շուկայի ներկայիս դրական ցուցանիշներով։ Միաժամանակ նշվում է, որ արդյունահանման բարձրացումը կարող է դադարեցվել կամ վերանայվել՝ շուկայում փոփոխությունների պարագայում՝ թույլ տալով խմբին պահպանել կայունություն։

Օգոստոսին Ռուսաստանին թույլատրվելու է արդյունահանել մինչև 9,344 միլիոն բարել։ ՕՊԵԿ+ հերթական քննարկումը՝ սեպտեմբեր ամսվա արդյունահանման ծավալների շուրջ, կկայանա սեպտեմբերի 3-ին, գրում է Лента.ру-ն։