ՀՀ անդամակցության կասեցումը ԵԱՏՄ-ում կհանգեցնի երկրի տնտեսական ցուցանիշների վատթարացման․ զեկույց

Ի կատարումն Բելառուսի Հանրապետության, Ղազախստանի Հանրապետության, Ղրղզստանի Հանրապետության և Ռուսաստանի Դաշնության նախագահների՝ 2026 թվականի մայիսի 29-ի համատեղ հայտարարության՝ նշված չորս պետություններից Եվրասիական միջկառավարական խորհրդի անդամները պատրաստել են զեկույց՝ «Հայաստանի Հանրապետության նկատմամբ «Եվրասիական տնտեսական միության մասին» 2014 թվականի մայիսի 29-ի պայմանագրի կիրառումը կասեցնելու հնարավոր հետևանքների վերաբերյալ» խորագրով։

Զեկույցը պարունակում է տեղեկատվություն Եվրոպական միությանը (ԵՄ) անդամակցելուն ուղղված՝ Հայաստանի Հանրապետության ձեռնարկած քայլերի մասին, ԵԱՏՄ-ի և ԵՄ-ի իրավական ռեժիմների համատեղելիության վերլուծություն (մասնավորապես՝ ԵԱՏՄ-ին անդամակցությունից բխող՝ Հայաստանի Հանրապետության պարտավորությունների և ԵՄ-ին անդամակցության հետ կապված պարտավորությունների համեմատականը), մանրամասներ այն իրավական մեխանիզմների վերաբերյալ, որոնք նախատեսված են ԵՄ-ին միանալու՝ Հայաստանի Հանրապետության որոշումից բխող ռիսկերը մեղմելու համար, ինչպես նաև գնահատականներ՝ Հայաստանի Հանրապետության նկատմամբ «Եվրասիական տնտեսական միության մասին» 2014 թվականի մայիսի 29-ի պայմանագրի կիրառումը կասեցնելու հնարավոր հետևանքների վերաբերյալ։

2026 թվականի հոկտեմբերի 20-ին Եվրասիական տնտեսական հանձնաժողով է ներկայացվել Եվրասիական բարձրագույն տնտեսական խորհրդին ուղղված դիմում, որը ստորագրվել է Բելառուսի Հանրապետության, Ղազախստանի Հանրապետության, Ղրղզստանի Հանրապետության և Ռուսաստանի Դաշնության կառավարությունների ղեկավարների կողմից և ուղեկցվում է վերոհիշյալ զեկույցով։

Փաստաթուղթը պետք է պաշտոնապես փոխանցվի Եվրասիական բարձրագույն տնտեսական խորհրդի անդամներին՝ Հայաստանի Հանրապետության վարչապետ Նիկոլ Վովայի Փաշինյանին, Բելառուսի Հանրապետության նախագահ Ալեքսանդր Գրիգորիի Լուկաշենկոյին, Ղազախստանի Հանրապետության նախագահ Կասիմ-Ժոմարտ Կեմելուլի Տոկաևին, Ղրղզստանի Հանրապետության նախագահ Սադիր Նուրգոժոևիչ Ժապարովին և Ռուսաստանի Դաշնության նախագահ Վլադիմիր Վլադիմիրովիչ Պուտինին։

Զեկույցն՝ ամբողջությամբ՝ այստեղ։