Արագածոտնի մարզում ավելի քան 600 ավտոմեքենաներ մերկասառույցի պատճառով չեն կարողանում առաջ ընթանալ
![Արագածոտնի մարզում ավելի քան 600 ավտոմեքենաներ մերկասառույցի պատճառով չեն կարողանում առաջ ընթանալ](/timthumb.php?src=/disc/21-11-23/81cd0abb7f1bdef5eb95129b50ea0376.jpg&w=708)
Այսօր՝ նոյեմբերի 21-ին, արտակարգ իրավիճակ է ստեղծվել Արագածոտնի մարզից դեպի Լոռու մարզ տանող ճանապարհին: Նիգավան բնակավայրից մինչև Վանաձոր ճանապարհին մերկասառույց է, ինչի պատճառով էլ ավելի քան 600 ավտոմեքենաներ, այդ թվում՝ բեռնատարներ, ճանապարհի մերկասառույցի պատճառով չեն կարողանում ընթանալ: Գոյացել է մոտ 4 կմ խցանում, վարորդները կանգնած են արդեն 3.5-ից 4 ժամ: Տեղում աշխատում են փրկարարներն ու պարեկները, որոնց օգնությամբ որոշ ավտոմեքենաներ դուրս են բերվել ճանապարհից: Վարորդների խոսքով՝ ճանապարհի պատասխանատուն՝ «Ճանշինը», ոչ եկել է, ոչ էլ օգնել: