Բանակցային հիմնական վեճը ՌԴ ուժերի կողմից ամբողջ Դոնբասի նկատմամբ վերահսկողության հասնելու մեջ է
ՀՀԿ ԳՄ անդամ Արտակ Զաքարյանը գրում է․
«Փետրվարի 17-18-ը Ժնևում տեղի կունենա Ուկրաինայի, Ռուսաստանի և Միացյալ Նահանգների միջև եռակողմ բանակցությունների նոր փուլ: Այդ մասին հայտարարել է Կիևը և հաստատվել Մոսկվայի կողմից: Ըստ միջազգային լրատվականների՝ ԱՄՆ-ն հույս ունի որոշակի առաջընթաց արձանագրել։
Բանակցային հիմնական վեճը, այս պահին, ՌԴ ուժերի կողմից ամբողջ Դոնբասի նկատմամբ վերահսկողության հասնելու մեջ է: Փոխզիջումներն այժմ ավելի շատ ռազմադաշտում և քաղաքական, ռազմավարական շահերի ձևակերպումների մեջ է, այլ ոչ թե հակամարտության էության կամ լիարժեք լուծման:
ԱՄՆ-ն, ( ըստ Bloomberg-ի), առաջ է մղում բուֆերային տարածքներ սահմանելու և Դոնբասում «ազատ տնտեսական գոտի» ստեղծելու գաղափարը։ Պաշտոնական Կիևը, և՛ Մոսկվան չեն աջակցում այդ գաղափարին։ Միևնույն ժամանակ, պաշտոնական Վաշինգտոնը ակնարկում է, որ առանց շրջանակային համաձայնագրի չեն կարող լինել անվտանգության երաշխիքներ։
Աբու Դաբիում տեղի ունեցած նախորդ հանդիպումներն ավարտվել են գերիների փոխանակմամբ, և որևէ քաղաքական առաջընթաց կարծես չէր արձանագրվել։
Տեսնենք, թե ինչ կտան ժնևյան բանակցությունները՝ հակամարտության դադարեցման համար»:
Հետևեք մեզ Viber-ում
