Արթուր Խաչատրյանի հիշեցումից հետո Կոնջոյանը վրդովվեց
«Հայաստան» խմբակցության պատգամավոր Արթուր Խաչատրյանն այսօր ԱԺ-ում անդրադառնալով կառավարությանը առաջարկությանը՝ 250 միլիոն դոլարի վարկ ներգրավել՝ արցախցիների բնակարանային խնդիրների լուծմանը՝ հիշեցրեց, կառավարության ծրագրի «Ղարաբեղյան հիմնախնդիր» բաժնի դրույթները, որոնք նախատեսում էին Արցախի հետպատերազմյան վերականգնում, տնտեսական կյանքի աշխուժացումը, տեղահանված բնակչության սոցիալական խնդիրների լուծում, մշակութային և կրոնական ժառանգության պահպանում, ջանք չի խնայվելու Արցախում արժանապատիվ և բարեկեցիկ կյանքի պայմանների ստեղծելու համար։
«Այս նպատակներին կառավարությունը հասնելու է Արցախի իշխանությունների հետ համագործակցության խորացման, ինչպես նաև Արցախի հետ գործակցության նոր ձևաչափի ստեղծման միջոցով:
Երանի կառավարությունը այդքան սկզբունքային լիներ և իր մոտեցումը կառուցեր բոլոր կետերի շուրջ, այլ ոչ թե ընդամենը մի կետի»։
Նա նաև հիշեցրեց, որ կառավարության ներկայացուցիչները ԱԺ-ում խոսում էին այն մասին, որ վարկ են ներգրավում, որ ճանապարհ կառուցեն, ֆինանսական շուկա զարգացնեն, մարդկանց կարողությունները զարգացնեն, բայց Նիկոլ Փաշինյանը ԱԺ ամբիոնից հայտարարեց, թե զենք են առել, հետևապես արդարացված են մտահոգությունները, թե արդյոք վերցվելիք վարկը կօգտագործվի ըստ նշանակության։
Կառավարության ծրագրից Խաչատրյանի մեջբերումները դուր չեկավ «Քաղաքացիական պայմանագիր» խմբակցության ղեկավար Հայկ Կոնջորյանին, նա էլ նշեց, որ ծրագրային կետերը մեջբերելուց առաջ՝ ընդդիմադիր պատգամավորը պետք է խոսի այն մասին, թե ինչով էր իր ուժը զբաղված Ղարաբաղում։
«Պալատական հեղաշրջում էիք անում Ղարաբաղում, որ ոգևորված պնդում էիք, թե այդ հեղաշրջումը կներմուծեք նաև Հայաստան։ Բա էդ ժամանակ ասելիք չունեի՞ք»,-վրդովվեց Կոնջորյանը։
Հետևեք մեզ Viber-ում
