Այո՛ հոգևորականները զբաղվում են քաղաքականությամբ՝ ոգու քաղաքականությամբ. Հայր Շահե
Այո՛, հոգևորականները զբաղվում են քաղաքականությամբ․ զբաղվում են ոգու քաղաքականությամբ, այն քաղաքականությամբ, որը միտված է մեր ազգային ոգու արժեքները պահելու, վերարծարծելու համար։ Այս մասին Ազատության հրապարակում հրավիրված հանրահավաքի ժամանակ ասել է Տեր Շահե ծայրագույն վարդապետ Անանյանը։
«Մենք բոլորս կանգնած ենք վճռորոշ ճանապարհի վրա, ոչ թե պարզապես մեր հայենիքի համար հերթական բարօր շրջան ձևավորելու, այլ մեր հայրենիքի գոյության ճամփաբաժնի վրա ենք կանգնած։ Սա վճռորոշ է ոչ միայն քաղաքական և ազգային իմաստով, այլ թույլ տվեք ասել հոգևոր իմաստով, և դա պետք է գիտակցվի ոչ միայն մեր քաղաքական ուժերի, այլև բոլորիս կողմից։ Երբ հոգևոր-ազգային արժեքները զոհաբերվում են ըստ պայմաննների, երբ անտարբերությունն է դառնում մեր կողմնացույցը, մենք կորցնում ենք մեր հոգին, և առանց հոգի ազգը դառնում է գերի ազգ։ Հոգևոր բարոյական մեր հետընթացի պատճառը, մեր գիտակցության մեջ սկսված ճգնաժամն է։ Այո՛ հոգևորականները զբաղվում են քաղաքականությամբ՝ ոգու քաղաքականությամբ, որի միտված է պահելու մեր ազգային արժեքները։ Ոչ մի բարեփոխում և ստորագրված թուղթ չի փրկելու մի ազգի, որի ոգին քնած է»,– ասել է հոգեւորականն իր ելույթում։
Հետևեք մեզ Viber-ում
