Ի՞նչ նպատակով են «Վրացական երազանք» կուսակցության ներկայացուցիչներն այցելել Դոնբաս

Միջազգային փորձագիտական շրջանակները սենսացիոն են գնահատում, Վրաստանից պատվիրակության այցելությունը Դոնբաս:

Վրացական պատվիրակության կազմը նույնպես հետաքրքիր էր: Նրա մեջ ընդգրկված էին. Պաատա Աբուլաձեն, Թբիլիսիի քաղաքապետ և իշխող «Վրացական երազանք» կուսակցության գլխավոր քարտուղար Կախա Կալաձեի փեսան , «Համերաշխություն՝ հանուն խաղաղության» կուսակցության առաջնորդներ Մամուկա Պիպիան և Գիորգի Իրեմաձեն, ինչպես նաև՝ Seasons TV ալիքի համահիմնադիր և վարող Նիկոլոզ Մժավանաձեն։

Դոնբասում նրանք հանդիպել են Դոնեցկի հանրապետության ղեկավար Պուշիլինի հետ և քննարկել մի շարք հարցեր:

Վերջինս վրացական պատվիրակությանը հանձնել է այն վրացիների ցուցակը, ովքեր այսօր մասնակցում են Ուկրաինայի կողմից Ռուսաստանի դեմ պատերազմում:

Իր հերթին,վրացական կողմի ներկայացուցիչները պատասխանել են, որ վրացիները տարբեր կողմերում են գտնվում, և՛Ուկրաինայի, և՛Ռուսաստանի կողմից:

Պարզապես քարոզչությունը միայն այն վրացիների մասին է հայտնում, ովքեր գտնվում են Ուկրաինայի կողմում: Ըստ իրենց՝ճիշտ կլիներ, որ նաև ռուսական ԶԼՄ-ները ներկայացնեին այն վրացիներին, ովքեր գտնվում են ռուսական կողմում:

Վրացական պատվիրակության ներկայացուցիչները հայտնեցին իրենց աջակցությունը Դոնբասի ժողովրդին և հայտարարեցին, որ իրենց այցելության գլխավոր նպատակը ռուսական հանրության մոտ վրացիների և Վրաստանի մասին ճիշտ պատկերով ներկայացնելն է:

Ըստ վրացիների՝ թե Վրաստանը, և թեՈւկրաինան նույն մարտահրավերի մեջ են գտնվում, երբ արևմտյան հայտնի կենտրոնները փորձում են իրենց օգտագործել որպես մանրադրամ՝Ռուսաստանի դեմ:

Ըստ վրացական պատվիրակության ներկայացուցիչների՝ներկայիս Վրաստանի իշխանությունը դիմակայում է արևմտյան այդ կենտրոնների ճնշմանը և,այդ իսկ պատճառով էլ,ռուս-վրացական սահմանին խաղաղություն է տիրում՝ի տարբերություն Ուկրաինայի:

Կողմերը նաև պայմանավորվեցին պարբերաբար դարձնել այդ հանդիպումները, քանի որ դրա միջոցով հնարավոր կլինի հանգուցալուծել նաև ռուս-վրացական բարդ փոխարաբերությունների կծիկը:

Վրացական պատվիրակության այցը Դոնբաս կարելի է պատմական համարել՝ հաշվի առնելով պատվիրակության կազմը:

Նշենք նաև, որ նման այց կատարվեց նաև անցյալ տարի Հայաստանից՝ «Մայր Հայաստան» շարժման պատվիրակության կազմով:

Այցի նպատակը նույնն էր ցույց տալ ռուս հանրությանը, որ Դոնբասի և Ռուսաստանի վերաբերյալ Հայաստանում, իշխանությունից բացի, կա նաև այլ հայացք:

Այսպիսով, Հայաստանից «Մայր Հայաստանը», իսկ Վրաստանից՝«Վրացական երազանքը»և իր գործնկեր կառույցները՝ իրենց այցերով Դոնբաս,փորձում են Ռուսաստանի հետ նոր հարթության հիման վրա հարաբերություններ հաստատել, որըշահավետ կլինի, թե՛Հայաստանի ու Վրաստանի, և թե՛Ռուսաստանի համար:

Մանավանդ, որ այս երեք երկրների շահերը ռազմավարական իմաստով համընկնում են գրեթե բոլոր կարևոր հարցերում:

Սա է իրականությունը:

Արտակ Հակոբյան
Աղբյուրը՝ Zham.am