Հայստանով անցնող միջանցքի վերաբերյալ կան երկու հնարավոր սցենարներ. ռուսաստանցի քաղաքագետ․ news.am

Մոսկվայի դիրքորոշումը Զանգեզուրի միջանցքի վերաբերյալ, հավանաբար, կմշակվի Ալյասկայում Պուտինի և Թրամփի գագաթնաժողովից հետո։ Դրա մասին NEWS.am-ի թղթակցի հետ զրույցում հայտարարել է ռուսաստանցի քաղաքագետ Միխայիլ Ալեքսանդրովը։

«Հնարավոր է որոշակի համաձայնություն այլ հարցերի փաթեթում։ Օրինակ՝ միջանցքի ռուս-ամերիկյան հավասար կառավարում։ Կամ, եթե հնարավոր չէ համաձայնության հասնել Ուկրաինայի հարցում, ապա կգերակշռի բախման սցենարը։ Բայց թե ինչ ձևով այն կիրականացվի, կարող ենք դատել մի փոքր ավելի ուշ»,- նշել է փորձագետը։

Փորձագետի գնահատմամբ՝ Իսրայելն ամեն կերպ Թրամփին դրդում է գործողություններ ձեռնարկել՝ հյուսիսից Իրանը շրջապատելու համար։

Այդ առումով Ալեքսանդրովը պատահականություն չի համարել, որ Վաշինգտոնի գագաթնաժողովից անմիջապես առաջ Նեթանյահուն զանգահարել է Պուտինին։

«Դա, ըստ երևույթին, արվել է Սյունիքում հենարան ձեռք բերելու ամերիկացիների փորձերին Մոսկվայի բացասական արձագանքը չեզոքացնելու համար։ Եվ պատահական չէ, որ այդ զանգից անմիջապես հետո Ուիթքոֆը թռավ Մոսկվա՝ Ուկրաինայի հարցում որոշակի փոխզիջումների խոստումներով։ Ինչպես տեսնում ենք, Սյունիքում ամերիկյան հնարավոր ներկայության թեմայի վերաբերյալ Մոսկվայի առաջին արձագանքը զրոյական էր։ Տեսնենք, թե ինչ արդյունքների կհանգեցնի Ալյասկայում անցկացվելիք ռուս-ամերիկյան գագաթնաժողովը։ Դեռ վաղ է եզրակացություններ անել Սյունիքը Ուկրաինայի մի մասի հետ փոխանակելու մասին»,- նշել է քաղաքագետը։