Ռաիսի-Աբդոլլահիան ժամանակաշրջանում «զանգեզուրյան միջանցքի» հարցը այսքան փխրուն վիճակում չէր

Քաղաքագետ Արա Պողոսանը գրում է․
Իրանի նահատակ նախագահ Իբրահիմ Ռաիսին և նահատակ ԱԳ նախարար Հուսեյն Ամիր-Աբդոլլահիանը Հայաստանի համար ճակատագրական ժամանակահատվածում էին գործում, և նրանց դիրքորոշումը հիրավի այդ պահին այն կռվաններից մեկն էր, որով չափազանց փխրուն իրավիճակում ինչ-որ բալանս կար Ադրբեջանի և Թուրքիայի պահանջած այսպես կոչված «զանգեզուրյան միջանցք»-ի հարցը գոնե այդ ժամանակահատվածում ուժային ճանապարհով թույլ չտալու համար։
Հիշում եմ, այդ օրերին Ամիր-Աբդոլլահիանի հարցազրույցներն ու ելույթները, որոնք գլխավորապես պաշտպանում էին հայկական տեսակետը։ Նախագահ Իբրահիմ Ռաիսին ևս այդ օրերին չափազանց ակտիվ աշխատում էր Ադրբեջանի և Թուրքիայի կողմից պարբերաբար սրացումներ ու նոր հակամարտություն հրահրելուն ուղղված գործողություններ թույլ չտալու ուղղությամբ։

Հենց նրանց ժամանակ էր, որ շատ հայեր սկսեցին որպես անփոխարինելի դաշնակից դիտարկել Իրանին։
Հիշում եմ, թե նրանց ողբերգական մահը ինչքան ցավ առաջացրեց հայերիս շրջանում։ ԵՒ դա անկեղծ ցավակցություն էր…