Ինչ կապ կա վերջին իրադարձությունների ու Փաշինյանի Թուրքիա գնալու միջև

«Հայաստան» խմբակցության պատգամավոր և ՀՅԴ ԳՄ անդամ Իշխան Սաղաթելյանի կարծիքով ինչ-որ կապ կա իշխանությունների վերջին քայլերի և վարչապետ Նիկոլ Փաշինյանի՝ Թուրքիա հնարավոր այցի միջև։ Նա կարծում է, որ վարչապետը հետևողականորեն թիրախավորում է այն գործիչներին և կազմակերպությունները, որոնք կանգնած են Հայ Առաքելական Եկեղեցու կողքին, աջակցել են Արցախին կամ բացահայտ բարձրաձայնում են Արցախի հարցի կարևորությունը։

Ըստ Սաղաթելյանի, իշխանությունները միտումնավոր ճնշում են գործադրում ազգային մտածողություն ունեցող գործիչների ու ուժերի նկատմամբ՝ փորձելով վերացնել դիմադրության բոլոր օջախները։ 

Ինչպես ասել է՝ գործարար Սամվել Կարապետյանի դեմ ձեռնարկված գործողություններն ուղիղ ուղերձ են նաև մյուս գործարարներին՝ ցույց տալու, որ ով չի համակերպվում թուրքական օրակարգին, կարող է հայտնվել նույն իրավիճակում։