Հեռացավ՝ չդիմանալով անարդարությանն ու ցավին․ Ավետիք Չալաբյան

«ՀայաՔվե» նախաձեռնության համահիմնադիր Ավետիք Չալաբյանի ֆեյսբուքյան գրառումը. «Այսօր կյանքից հեռացել է «Ղարաբաղ» կոմիտեի գաղտնի կազմի անդամ, Հայաստանի հելսինկյան կոմիտեի նախագահ, իրավապաշտպան Ավետիք Իշխանյանը:

Ավետիք Իշխանյանի հետ մենք կապված էինք բազմաթիվ թելերով, թե անձնական, և թե գործնական՝ նա այն հազվագյուտ իրավապաշտպաններից էր, որ մինչև վերջ հավատարիմ մնաց մեր ազգային նպատակներին, և հետևողականորեն շարունակեց պաշտպանել այս ապազգային վարչախմբի կողմից հետապնդվող բազմաթիվ անձանց: Նա նաև հեռացավ՝ չդիմանալով ողջ այն անարդարությանը և ցավին, որը ներթափանցել է մեր կյանք, և հանգիստ չի տալիս ոչ մի իրական հայրենասերի:

Ցավակցում եմ Ավետիք Իշխանյանի ընտանիքին, հարազատներին և մերձավորներին նրա անժամանակ մահվան կապակցությամբ: Աստված իր հոգին լուսավորի, և ուժ տա ապրողներին՝ շարունակելու նրա արդար գործը»։