Թրամփի Սպիտակ տուն վերադարձն, ըստ էության, պահպանողական հեղափոխություն էր՝ էլեկտորալ ճանապարհով․ Սուրեն Սուրենյանց
«Դեմոկրատական այլընտրանք» կուսակցության նախագահ Սուրեն Սուրենյանցը ֆեյսբուքյան իր էջում գրել է․
«Արդյո՞ք կփակվի «Ազատություն» ռադիոկայանը
Իլոն Մասկը հայտարարել է, որ անհրաժեշտ է դադարեցնել «Ազատություն» ռադիոկայանի և «Ամերիկայի ձայնը» լրատվամիջոցի գործունեությունը․ դրանց վրա անիմաստ գումարներ են ծախսվում:
Դժվարանում եմ միանշանակ պնդել, թե արդյո՞ք այս երկու լրատվամիջոցները կարժանան USAID-ի ճակատագրին:
Ես, որպես կանոն, միշտ դեմ եմ եղել ԶԼՄ-ների փակմանը ու անկեղծ ասեմ՝ կտխրեմ, եթե դադարեցվի «Ազատություն» ռադիոկայանի հայկական ծառայության գործունեությունը:
Եթե նույնիսկ որոշ դեպքերում անհամաձայնություն եմ ունեցել «Ազատություն» ռադիոկայանի խմբագրական քաղաքականության հետ, միշտ բարձր եմ գնահատել նրա լրագրողների պրոֆեսիոնալիզմը:
Մյուս կողմից, Թրամփի Սպիտակ տուն վերադարձն, ըստ էության, պահպանողական հեղափոխություն էր՝ էլեկտորալ ճանապարհով, ինչը սկզբունքորեն կարող է փոխել Վաշինգտոնի արտաքին քաղաքականությունը՝ պիտանելիությոինից դուրս դնելով այն գործիքները, որոնք ԱՄՆ-ն օգտագործել է տասնամյակներ շարունակ:
Սա էլ իրողություն է, որի հետ դժվար է հաշվի չնստելը»:
Հետևեք մեզ Viber-ում
