Հիշեք Դիլիջանի այն վայրենի ոստիկանին. Աշոտին ասեք հոր գլուխը քիչ տանի անհեթեթ հեքիաթներով. Արսեն Բաբայան

Փաստաբան Վահան Բաբայանն իր ֆեյսբուքյան էջում գրել է.

«Առաջին փաստաբանական գործս (հաղթել եմ) մի շատ թեթև ու պարզ քրեական գործ էր: Վարորդական իրավունքից զրկված անձը ծայրահեղ անհրաժեշտությամբ պայմանավորված մեքենա էր վարել և «բռնվել» պարեկի կողմից:

Նախաձեռնվել էր քրեական վարույթ, մինչև ինձ դիմելը արդեն մեղադրյալը ցուցմունք էր տվել հայտնելով, որ ստիպված է եղել վարել մեքենան, զղջում է և խնդրում է մեղմ վարվել:

Առաջին գործողությունը, որ արեցի՝ դատախազին միջնորդելն էր, որպեսզի գործուն զղջալու հիմքով հետապնդումը դադարեցնի և վարույթը կարճի:

Դատախազը մերժեց: Ահեթեթ մի պատճառաբանությամբ: Պատկերացնո՞ւմ եք, երիտասարդ տղա, նոր ամուսնացած, հաջողակ բիզնեսմեն է, արարքը՝ ընդամենը վարել է մեքենա զրկված լինելով վարորդական իրավունքից:

Դատարանում գործն ավարտեցի մեկ նիստով: Ի պատիվ դատավոր Հարություն Մանուկյանի՝ միջնորդությունս բավարարեց, քրեական հետապնդումը դադարեցրեց, վարույթն էլ կարճեց:

Հիմա հիշեք Դիլիջանի այն վայրենի ոստիկանին, քրեականի պետին, որը ռեստորանի խոհանոցում տևական ժամանակ ծեծի էր ենթարկում անչափահաս մատուցողին:

Այդ վայրենու նկատմամբ, փաստորեն, դատախազությունը կիրառել էր գործուն զղջալու հիմքով հետապնդման դադարեցումը: Դե համեմատեք իմ պաշտպանած դեպքն ու այս գազանաբարո արարքը:

Հիմա իշխանությունը, պարզվում է, օրենսդրական նախաձեռնություն ունի, ինչով պետք է թույլատրվի առանձնապես ծանր հանցագործություն կատարողին գործուն զղջալու դեպքում պատասխանատվության չենթարկել:

Պարզ է չէ՞, որ նպատակը մեկն է. ստեղծվում է հնարավորություն, որպեսզի անասնաֆերմայի խոզերին, երբ ուզեն, ազատեն քրեական պատասխանատվությունից:

Հ.Գ. Աշոտին ասեք հոր գլուխը քիչ տանի անհեթեթ հեքիաթներով. թե բա՝ օրենքի առաջ բոլորը հավասար են»: