Ձերբակալել են բլոգերի, ով կասկածվում է իր երեխային մահվան հասցնելու մեջ

Սոչիում ձերբակալել են հում սննդի բլոգեր Մաքսիմ Լյուտին, ով կասկածվում է իր նորածին որդուն խոշտանգելու մեջ, հայտնում է Կրասնոդարի երկրամասի քննչական կոմիտեի մամուլի ծառայությունը, գրում է Gazeta-ն։

Հետաքննության տվյալներով՝ 43-ամյա բլոգերի կինը 2023 թվականի փետրվարի 11-ին  տանը որդի է լույս աշխարհ բերել: Նրանք բժշկի չեն դիմել, և 2023 թվականի փետրվարից մինչև մարտ ամիսներին կասկածյալը նորածնին առնվազն երեք անգամ մեկ ամբողջ օր սնունդ չի տվել։

2023 թվականի մարտի 8-ին երեխան հիվանդացել է, ծնողները որոշել են նրան տեղափոխել հիվանդանոց։ Սակայն տղան մահացել է՝ մինչ հիվանդանոց հասնելը։

Այժմ տղայի մայրը մեղադրվում է անզգուշությամբ նրան մահ պատճառելու մեջ, նա տնային կալանքի տակ է։