Վաղը՝ ապրիլի 23-ին, ժամը 14:30, Հայաստանի պետական տնտեսագիտական համալսարանի մարզադահլիճում (Նալբանդյան 128) կկայանան թեքբոլ (teqball) մարզաձևի ցուցադրական ելույթներ: Միջոցառման նպատակն է հայ մարզասերներին ներկայացնել այս դիտարժան մարզաձևի առանձնահատկությունները: Ցուցադրական մրցումներին ներկա կլինեն ՀՀ սպորտի և երիտասարդության հարցերի նախարարի պաշտոնակատար Գաբրիել Ղազարյանը, թեքբոլի միջազգային ֆեդերացիայի փոխնախագահ Վիկտոր Հուսզարը, տնօրեն՝ Մեթյու Քարթինը և միջազգային հարաբերությունների ղեկավար՝ Մարիուս Վիզերը: