Մոտ երկու շաբաթ առաջ իշխանության հարճի տիտղոսին հավակնող անկախ պատգամավոր Արման Բաբաջանյանը դիմում էր ներկայացրել Գլխավոր դատախազություն եւ իրավապահների ուշադրությունը հրավիրել էր այն հանգամանքի վրա, որ Թովմասյանը ՍԴ անդամ դառնալուց առաջ պատգամավորական մանդատից հրաժարվելու դիմում չի գրել: Բացի այդ պնդել էր, որ Հրայր Թովմասյանը յուրացրել է Սահմանադրական դատարանի նախագահի պաշտոնը՝ հանցավոր սխեմաներ կիրառելով: Դրա մաս են դարձել Ազգային ժողովի նախկին նախագահ Արա Բաբլոյանն ու Կենտրոնական ընտրական հանձնաժողովի ղեկավարը։ Ըստ Բաբաջանյանի սահմանափակ ունակությունների՝ Հանրապետականի հետ համագործակցությամբ ամեն ինչ արվել է, որպեսզի Թովմասյանը Սահմանադրական դատարանի նախագահի պաշտոնը ստանձնի 2018 թվականի ապրիլի 9-ից առաջ՝ մինչև 2015-ին փոփոխված Սահմանադրությունն ամբողջությամբ ուժ մեջ մտնելը, որպեսզի պաշտոնավարի ոչ թե 6 տարի, այլ մինչև 65 տարեկանը։ Հենց այդ նպատակով լիազորությունների ավարտից մոտ մեկ ամիս շուտ հրաժարական է տվել ՍԴ նախկին նախագահ Գագիկ Հարությունյանը: Այս հաղորդման վրա այսօր՝ ՀՔԾ-ն քրեական գոր է հարուցել Հրայր Թովմասյանի դեմ իշխանության զավթման հատկանիշներով: Իրավաբաններն արդեն արտահայտվել են, որ սա հանցակազմ չպարունակող եւ իրավական հետեւանքներ չառաջացնող գործընթաց է, քանի որ պատգամավորի լիազորությունները իրավունքի ուժով դադարեցվել է ճիշտ այն պահից, երբ ինքն ընտրվել է ՍԴ դատավոր: Իսկ օրենքը չի պարտադրում, որպեսզի ՍԴ դատավորի թեկնածուն մանդատից հրաժարվելու դիմում գրի: Արա Ղազարյանը նույնիսկ կարծիք հայտնեց, որ քրեական իրավունքի համաձայն ենթադրությունների հիման վրա չի կարելի անձին ոչ մեղադրանք առաջադրել, ոչ դատապարտել։ Պետք է լինի ապացույց, փաստական տվյալ։ Ինչպես նաեւ մեծ հարց է՝ ինչպես է իշխանության յուրացման դրույթն ապացուցվելու։ Բոլորը միակարծիք են, որ Հհրայր Թովմասյանի նկատմամբ քաղաքական հետապնդում է իրականացվում եւ հերթական նախաձեռնությունը զուրկ է իրավական հիմքերից: Հետաքրքիր է՝ Արման Բաբաջանյանը միթե չի խորհրդակցել իրավաբանների հետ, որոնք նրան կհուշեին զերծ մնալ այսքան անհեթեթ գործընթաց նախաձեռնելուց: Խնդիրն այն է, որ պատգամավորի նախաձեռնությունը նախեւառաջ թակարդ է հենց Նիկոլ Փաշինյանի համար։ Եթե Հրայր Թովմասյանը ՍԴ դատավոր է դարձել մինչեւ պատգամավորական լիազորությունների դադարումը, ապա ճիշտ նույն կերպ Նիկոլ Փաշինյանը՝ վարչապետ, Արարատ Միրզոյանը՝ փոխվարչապետ, Մանե Թանդիլյանն եւ Ֆելիքս Ցոլակյանն էլ՝ նախարար դարձել են մինչեւ իրենց պատգամավորական լիազորությունների դադարումը։ Եթե ՀՔԾ-ն մի դեպքում գործ է հարուցում, ապա պարտավոր է ժամ առաջ գործ հարուցել նաեւ մյուսների դեպքում եւ այս հոդվածն էլ ընդունեք հաղորդում հանցագործության մասին:
Դեկտեմբերի 10-ին՝ ժամը 11։30-ին, Հայելի ակումբի հյուրն է Աշոտ Անդրեասյանը
Դեկտեմբերի 10-ին՝ ժամը 12։00-ին, Հայելի ակումբի հյուրն է ազատամարտիկ Դավիթ Մկրտչյանը
Դեկտեմբերի 10-ին՝ ժամը 16։00-ին, Հայելի ակումբի հյուրն է Գևորգ Ստեփանյանը
Դեկտեմբերի 10-ին՝ ժամը 15։00-ին, Հայելի ակումբի հյուրն է Հովհաննես Իշխանյանը
Դեկտեմբերի 10-ին ժամը 13:30, ՀՅԴ «Նիկոլ Աղբալյան» ուսանողական միությունը ՄԱԿ-ի հայաստանյան գրասենյակի դիմաց (հասցե փ. Պետրոս Ադամյան 14) իրականացնելու է բողոքի ակցիա` ուշադրությունը սևեռելու Բաքվում անօրինաբար պահվող հայ գերիների ոտնահարված իրավունքների վրա։ Հիշեցնենք, որ դեկտեմբերի 10-ն աշխարհում նշվում է որպես Մարդու իրավունքների պաշտպանության օր։
Դեկտեմբերի 9-ին՝ ժամը 16։30-ին, Հայելի ակումբի հյուրն է Արմենուհի Կյուրեղյանը
Դեկտեմբերի 9-ին՝ ժամը 10։40-ին, Հայելի ակումբի հյուրն է Անաստաս Իսրայելյանը
Դեկտեմբերի 9-ին՝ ժամը 11։30-ին, Հայելի ակումբի հյուրն է Վոլոդյա Հովհաննիսյանը
Դեկտեմբերի 9-ին՝ ժամը 15։00-ին, Հայելի ակումբի հյուրն է Ռուզաննա Ստեփանյանը
Դեկտեմբերի 9-ին՝ ժամը 13։00-ին, Հայելի ակումբի հյուրն է Էդգար Էլբակյանը
Հետևեք մեզ Viber-ում
