Կանադայի վարչապետին ծաղրել են Կաստրոյին «նշանավոր և լեգենդար» առաջնորդ անվանելու համար

Nov 27, 2016 Comments Off on Կանադայի վարչապետին ծաղրել են Կաստրոյին «նշանավոր և լեգենդար» առաջնորդ անվանելու համար

Կանադայի վարչապետ Ջասթին Տրյուդոն համացանցի օգտատերերի կողմից ծաղրի ու քննադատության է ենթարկվել Կուբայի հեղափոխության առաջնորդ Ֆիդել Կաստրոյի մահվան կապակցությամբ նրան «նշանավոր և լեգենդար» առաջնորդ անվանելու համար:

Ինչպես հայտնում է The Guardian-ը, Տրյուդոն, ում հայրը՝ Կանադայի նախկին վարչապետ Պիեռ Տրյուդոն, բավական մտերիմ էր Կաստրոյի հետ, թերևս, միակ արևմտյան առաջնորդն էր, ում արձագանքը հայտնի կուբացու մահվանը կրել է դրական նրբերանգներ:Մինչդեռ արևմտյան մյուս առաջնորդները քննադատել են Կաստրոյին ՝ հիշեցնելով նրա գործած բռնությունների ու մարդու իրավունքների զանգվածային ոտնահարումների մասին:

«Գիտեմ, որ հայրս շատ հպարտ էր Կաստրոյին իր ընկերը համարել: Ես հանդիպել եմ նրան հորս հուղարկավորության ժամանակ: Թեև նրա վիճահարույց համբավ ուներ, այնուհանդերձ՝ ժողովուրդը խորապես նվիրված էր կոմանդանտեին ու շատ էր սիրում նրան: Նա լեգենդար հեղափոխական էր ու մեծ հռետոր»,-նշված է Տրյուդոյի հայտարարությունում:

Բրիտանական պարբերականը մանրամասնում է, որ հայտարարության տարածումից հետո սոցկայքերի օգտատերերը ծաղրել ու քննադատել են Կանադայի վարչապետին նման դիրքորոշման համար:

Միջազգային
Մեկնաբանությունները փակ են: