Դաշնակցականները եկան իմ կարծիքին

Feb 09, 2016 1 Comment

 

Գրող, հրապարակախոս, Ազգային ժողովի նախկին պատգամավոր, դաշնակցական Ալվարդ Պետրոսյանի համոզմամբ՝ Դաշնակցությունը <<ճգնաժամային կուսակցություն է, երբ որ տեսնում է պետք է պետությանն իր գործնական ներկայությունը, մոռանում է մնացած բոլոր հարցերը, մի քանի անգամ տեսել եմ որպես այդ կուսակցության անդամ>> վստահեցնում է նա: Տիկին Պետրոսյանը պատասխանել է ներքաղաքական ներկա գործընթացների մասին մեր մի քանի հարցերին:

-Տիկին Պետրոսյան, Ձեր գնահատականը կցանկանայինք լսել ՀՀԿ-ՀՅԴ հնարավոր կոալիցիայի վերաբերյալ, գործընթացները չեն ավարտվել, բայց կարծես վերջնագծին են մոտենում, պորտֆելների հավակնորդների անուններ են մինչեւ անգամ շրջանառվում, ինչպես նաեւ տեղեկություն, որ Սերժ Սարգսյանը քաղաքական սերնդափոխության է գնում: Ինչ հունո՞վ պետք է տանել գործընթացները` ըստ Ձեզ:

-Դաշնակցությունը ճգնաժամային կուսակցություն է, երբ որ տեսնում է պետք է պետությանն իր գործնական ներկայությունը, մոռանում է մնացած բոլոր հարցերը, մի քանի անգամ տեսել եմ որպես այդ կուսակցության անդամ: Ես նորմալ եմ համարում, ամբողջ աշխարհը իրար է խառնված, տեսնո՞ւմ եք մեր շուրջն ինչ է կատարվում, իսկ այդ <<շուրջը>> շատ մոտ է: Մեր երկրում, երբ պատերազմը դեռ չի ավարտվել…պետք է նույն ազգի զավակները անկախ իրենց գաղափարական տարբերություններից, բանավեճերից միանան իրար հետ, որոշ հարցեր կան, որոնք մեզ որպես ազգ են պահում ու կարեւոր են բոլորիս համար:

-Բոլոր անգամներում, գրեթե, նույն հիմնավորումն է առաջ բերվել,  ինչ եք կարծում մեկ-երկու պաշտոն ստանձնելով  դաշնակցականները պետք է վճռորոշ, այսպես ասած՝ ճակատագրական դերակատարում ունենա՞ն:

-Ինչ ճակատագրակա՞ն…մենք՝ Դաշնակցությունը, ունեինք բազմաթիվ պորտֆելներ, բայց երբ թվաց, որ  չպետք է իշխանությունների հետ կոալիցիայի մեջ մտնել, անմիջապես …Գիտեք, դժվար բան է մարդուն ասել պորտֆելդ վայր դիր, բայց հենց որ զգաց, որ այդպես պետք է անի, արեց: Եթե այդքան կարեւորեր, դոմինանտը լինեին պորտֆելները, կպահեին, էլի:Այսինքն, ես համարում եմ ծիծաղելի փաստարկ, թե իբր մի քանի պորտֆելի համար են դաշնակցականները կոալիցիա մտնում:

-Ես  նկատի ունեի Ձեր խոսքը, համաձայն որի՝ պահը վճռորոշ է ու միավորումն էլ անհրաժեշտ, ուզում էի իմանալ, մի քանի պորտֆելով  հնարավորություն կունենա՞ ՀՅԴ-ն գործընթացների վրա ազդեցություն գործելու:

-Անշուշտ, պիտի խոստովանենք, որ այսօր Հայաստանում շատ անկայուն ու գործընթացների վրա ազդեցություն չունեցող կուրս է , ցավոք: Երկիրն այն վիճակում է, որ պետք է ռեալ, իսկապես, պոտենցիալ ունեցող, հեղինակություն ունեցող քաղաքական ուժեր իրար հետ միանան: Շատ լավ գիտեք, որ Դանակցությունը միայն հայաստանյան կառույց չէ, համահայկական կառույց է ահռելի մի ուժով, սփյուռքով:

-Բայց լուրեր կան, որ սփյուռքյան կառույցները համակարծիք չեն հայաստանյան Դանակցության վարած կուրսին, որ նրանց կարծիքն այլեւ լսելի չէ:

-Եթե ՀՅԴ-ն որոշում է, որ ինքը պետք է կոալիցիայի մեջ մտնի, ուրեմն սփյուռքում էլ են համակարծիք , ես հասկանում եմ դուք ինչ եք ասում, բայց, ի վերջո, կուսակցությունը կենդանի մարդկանցից է  կազմված, ես չեմ հասկանում, թե ինչու է մեր մշակույթից <<բանավեճ>> բառը մոռացվել: Կան,իհարկե, բազմակարծություն, ես՝ ինքս ամենաանհանգիստ դաշնակցականներից մեկն եմ եղել,  բայց դա չի նշաանակում, որ ես իմ կուսակցությանը, իմ գաղափարախոսությանը դեմ եմ գնացել: Ներքին բանավեճեր էլ են լինոմ, հակասություններ էլ, տարիներ առաջ ինձ մեկ տարով կախակայեցին կուսակցական կարգապահությունը խախտելու համար, եւ ես ազնվորեն խոստովանեցի, որ ոչ ոք ինձ բռնի չի տարել այդ կուսակցություն, բայց քանի որ ես կուսակցության մեջ եմ, պետք է կարգապահական կանոններին ենթարկվեմ, հայ ժողովրդին շատ պետք է կարգապահությունը, մենք շատ տաղանդավոր ենք, շատ ինտելեկտուալ, բայց որ շատ կարգապահ չենք, դա հաստատ է, կարգապահ ենք, երբ դանակը ոսկորին է հասնում:

-Տիկին  Պետրոսյան, այնպես ստացվեց, որ ժամանակին ձեր կարծիքի համար ձեզ կախակայած ընկերները այսօր կիսում են Ձեր տեսակետը, դիրքորոշումը իշխանության հանդեպ, եթե չեմ սխալվում Սերժ Սարգսյանի վերաբերյալ ձեր կարծիքի, գնահատականների համար էին ձեզ հեռվացրել իրենցից:Ինչպե՞ս է ստացվում:

-Այո, տղամարդիկ լավ չեն գնահատում կանանց բնազդային զգացողությունները, ես ուրախ եմ, որովհետեւ ես էլի պաշտպանում եմ Սերժ Սարգսյանին: Ես գտնում եմ, որ այսպիսի երկրում սալոնային պաշտոնյաներ, թեկուզ եւ շատ բարձր կրթություն ստացած եւ այլն, չեն կարող: Մեզ պետք է կրակի, վառոդի հոտն առած, փորձառու, դրա վառ ապացույցը Վազգենն էր Սարգսյան, գրական մամուլում աշխատած, բայց հանկարծ եկավ ու բանակաստեղծման ակունքներում կանգնեց: Այնպես որ տաղանդավոր մարդ էր, ես կարծում եմ, որ Սերժ Սարգսյանն էլ այդ նույն թիմից է, նույն մարդկանցից, որոնք ստեղծեցին այդ բանակը, հաղթանակը: Նայեք՝ ինչ է կատարվում նախկին սովետական տարածքում, ծամում են, իրար ուտում միակ երկիրն ենք, որ հաղթանակած մտանք 21-րդ դար, պետք է հաղթանակները տեսնել, բայց դա չի նշանակում, որ ամեն ինչ լավ է այս երկրում, կաշառակերությունը, կոռուպցիան, սոցիալական անարդարություն, սոցիալական բեւեռացումը, մի փոքրիկ մաս տնօրինում է ամբողջ ազգային հարստությանը ու ժողովուրդը լավ չի ապրում, կրթական համակարգը, իրավական համակարգը, ճիշտն ասած՝ կարծում եմ, որ այս խնդիրների մասին իշխանություններն էլ տեղյակ են ու պիտի ավելի ռեալ քայլեր անեն, դրա համար հարկավոր է  կադրային ճիշտ քաղաքականություն վարել:

-Վերադառնալով մեր հարցին, քաղաքական սերնդափոխությունը արդյունավե՞տ է լինելու՝ ելնելով  բացառապես ֆիզիկական սերնդափոխության սկզբունքից, չեք կարծում, որ նոր մոտեցումներ են հարկավոր, այդ թվում քաղաքական գործընկերների տեսանկյունից:

-Դեմքեր կան, որ հոգնել եմ, նրանց նկատմամբ միայն համակրանք եմ ունեցել, բայց այլեւս չեմ ուզում իրենց տեսնել, անընդհատ նույն դեմքերը, հոգնեցնող է: Սերնդափոխության ժամանակ շատ կարեւոր է փորձառու մի քանի ավագներ, որովհետեւ չես կարող միանգամից հրաժարվել, նոր սերունդը բավականին կրթված է ու թող որ նրանք իրենց սխալների վրա սովորելով վաղվա երկրի տերերը դառնան:

-Դաշնակցականների թեկնածություններ  են շրջանառվում,ընդ որում,  նախկին պաշտոնյաների, ի՞նչ կասեք այդ անունների մասին:

-Ես ուղղակի հիացած եմ Արծվիկ Մինասյանով, հրաշալի տնտեսագետ, իրավաբան, այդքան ինֆորմացված չեմ, բայց Լեւոնի Մկրտչյան անունն եմ տեսել, բացառիկ մտավորական է, գիտեք իր նման, Վահան Հովհաննիսյանի նման մտավորականները թափված չեն:

-Իսկ Դավիթ Լոքյանի մասին ի՞նչ կասեք:

-Չգիտեմ, չեմ  կարող, շատ տաղանդավոր մարդ է Դավիթ Լոքյանը, բայց չեմ կարծում, որ ունիվերսալ է,  ասել նաեւ, որ  Լեւոն Մկրտչյանի պես անվերապահ հավատում եմ, դա էլ չեմ կարող:

Գլխավոր Թողարկում, Հարցազրույց

Մեկ անդրադարձ “Դաշնակցականները եկան իմ կարծիքին” հրապարակմանը

  1. YURA HAKOBYAN says:

    LUSAHOGI TATS MISHT ASUM ER <> VAY EN PETUTYANN U JOGHOVRDIN, VORONC [email protected] DASHNAKNERN EN.