«Նիգ-Ապարան» հայրենակցականը Ապարանում տոնել է «Հին տոմարով Նոր տարին»

Jan 19, 2016 Comments Off on «Նիգ-Ապարան» հայրենակցականը Ապարանում տոնել է «Հին տոմարով Նոր տարին»

Հրապարակը գրում է.«Կիրակի «Նիգ-Ապարան» հայրենակցական միությունն Ապարանում տոնել է «Հին տոմարով Նոր տարին», որը միության պատվավոր նախագահ, քննչական կոմիտեի ղեկավար Աղվան Հովսեփյանի իդեան է։ Անցած տարի, Գյումրիում տեղի ունեցած ողբերգության պատճառով, այս միջոցառումը չնշվեց։ Այս տարի տոնահանդեսին մասնակցել է անգամ ԱԺ նախագահ Գալուստ Սահակյանը, խորհրդարանականներ, մարզպետներ, բացառությամբ Տավուշի, որի տունն օրերս թալանել էին։ Գալուստ Գրիգորիչ-Մարգարիտ Եսայան զույգի պարը դարձել Է խնջույքի ամենադիտարժան հատվածը։ Իսկ ավանդական խարույկը վառել Է «խաչի քավոր» Վահրամ Բաղդասարյանը։ Տոնահանդեսի ընթացքում մարզերը ներկայացրել են ոչ միայն իրենց ավանդական ուտեստները, այլ նաեւ ավանդույթները, երաժշտությունը։ Ամենաակտիվը եղել Է Արագածոտնի մարզպետ Սարգիս Սահակյանը»,–գրում է թերթը։

Մանրամասները՝ թերթի այսօրվա համարում։

Գլխավոր Թողարկում, Մամուլ
Մեկնաբանությունները փակ են: