Համաշխարհային պատերազմ արդեն կա. քաղաքագետը մանրամասնեց /տեսանյութ/

«Համաշխարահին պատերազմ արդեն կա, բայց երրորդ համաշխարհայինն այն մոդելով, ինչ առաջին և երկրորդն էր՝ այլևս չեն լինի»,- երեկ «Հայելի» ակումբում այսպիսի համոզմունք հայտնեց  քաղաքագետ Հայկ Մարտիրոսյանը:

Քաղաքագետը նկատում է, որ ռազմաճակատների ուղղակի բախումներ այլևս չեն լինի: «Հիմա գործ ունենք երրորդ երկրներում պատերազմող երևույթի հետ, որը համաշխարհային պատերազմ է, որովհետև մի քանի պետություններ ներգված են պատերազմում՝ Սիրիայում և Իրաքում, տարբեր այլ պատեզմներ կան՝ շիաներ-սունիներ»:

Քաղաքագետը խոսեց Սաուդիան Արաբիա-Իրան հարաբերությունների էսկալացիայից և հիմնական երկու պատճառ առանձնացրեց:

Մարտիրոսյանի գնահատմամբ՝ Սաուդյան Արաբիայի իշխանության եկած նոր թագավորական ընտանիքի ճյուղի հավակնություններն են, այսինքն՝ թագավոր Սալմանը իր որդուն՝ արքայազն Մուհամադին անցկացնի հարթ և վստահ, որպեսզի այս ձևով նա հանդես գա որպես ուժեղ ռազմական լիդեր:

Երկրորդ միտումն է, որ Միացյալ Նահանգներին թույլ չտալ առավել մերձենալ Իրանի հետ: «Լարում մտցնելով ԱՄՆ-ն ստիպված կլինի իրենց կողմը վերցնել որպես երկարաժամկետ դաշնակցի»,-ընդգծեց քաղաքագետը:

Քաղաքագետը նշեց, որ թեև այս քաղաքականությունը վնասում է Սաուդյան Արաբիայի շահերին, բայց նախանշաններ, որ նպատակ կա կուրսը փոխելու՝ ինքը չի տեսնում: Քաղաքագետը Իրան-Թուրքիա հակասություններ տեսնում է, որը գնալով էլ ավելի է սրվում և որն առկա էր դեռ Սիրիական պատերազմից:

«Թուրքիան մտերիմ քաղաքական հարաբերություններ ունի Քաթարի հետ, որը լարված է Սաուդյան Արաբիայի հետ, բայց տեսնում ենք շարժ դեպի Սաուդյան Արաբիան: Թուրքան ավելի կփորձի մերձենալ»,-նշեց Հայկ Մարտիրոսյանը:

Մարտիրոսյանը փաստում է, որ  ռուս-թուրքական հարաբերություններում լարվածությունը կպահպանվի:

«Ռազմական կոնֆլիկտ չի լինի, բայց սրումը կմնա: Քանի դեռ Թուրքայիում և ՌԴ-ում այս իշխանությունն է՝ կպահպանվի և նախկին հարաբերությունների կեսն անգամ չի լինի»,-նկատեց Հայկ Մարտիրոսյանը:

Նրա դիտարկմամբ՝ ՌԴ-ն ուժեղացնում է իր ռազմական դիրքը ՀՀ-ում: ՌԴ-ն Թուրքիային ուժի ցուցադրություն է անում ճիշտ այնպես ինչպես ԱՄՆ-ն Հյուսիսային Կորեայի տարածքի սահմանով է ցուցադրական թռիչքներ անում:

Քաղաքագետի խոսքով՝ Ադրբեջանի կշարունակի պահպանել իր որդեգրած քաղաքականությունը. «Հայաստանը ցավոք այնպիսի տարածաշրջանում է, որտեղ անհնար է զերծ մնալ տարածաշրջանային պրոցեսներից: Ինչպես կներգրավենք՝ անհնար է ասել, ժամանակը ցույց կտա, բայց չներգրավել հնարվոր չէ»,-ընդգծեց քաղաքագետը:

Մանրամասները՝ տեսանյութում:

Աստղիկ Ավագյան