Դավութօղլուի կոչը`Թեհրանին ու Էր-Ռիադին

Jan 06, 2016 Comments Off on Դավութօղլուի կոչը`Թեհրանին ու Էր-Ռիադին

Թեհրանն ու էր-Ռիադը չպետք է սրեն հարաբերությունները, քանի որ դա հղի է տարածաշրջանի համար բացասական հետևանքներով։ Այս մասին ասել է Թուրքիայի վարչապետ Ահմեթ Դավութօղլուն՝ փոխանցում է TRT Haber-ը։

Նրա խոսքով՝ Իրանն ու Սաուդյան Արաբիան իսլամական աշխարհի կարևոր երկրներ են։

«Թուրքիան ինչպես Իրանի, այնպես էլ Սաուդյան Արաբիայի դաշնակիցն է, և Անկարան այդ երկրների հետ փայփայում է հարաբերություններ»,- ասել է Դավութօղլուն։

Ավելի վաղ Թուրքիայի ԱԳՆ-ն դատապարտել էր Թեհրանում Սաուդյան Արաբիայի դեսպանատան վրա հարձակումը՝ կոչ անելով Իրանին ու Սաուդյան Արաբիային՝ կարգավորել հարաբերություններում ճգնաժամը դիվանագիտական ուղիով։

Միջազգային
Մեկնաբանությունները փակ են: