ԵՃՇՊՀ-ում ուսանողների հաղթանակը

Oct 08, 2013 Comments Off on ԵՃՇՊՀ-ում ուսանողների հաղթանակը

Երևանի ճարտարապետության և շինարարության պետական համալսարանն՝ ԵՃՇՊՀ  օրերս մասնակցել է Ռուսաստանի Սանկտ Պետերբուրգ քաղաքում կայացած   XXII-րդ միջազգային ամենամյա մրցույթ ստուգատեսին:  ԵՃՇՊՀ-ի ճարտարապետության և դիզայնի ֆակուլտետների ներկայացրած բակալավրի և  մագիստրոսի  դիպլոմային 21 աշխատանքներից 9-ը արժանացել են l-ին կարգի, իսկ 12 աշխատանք`2-րդ կարգի դիպլոմների: Մի շարք  աշխատանքներ էլ   արժանացել են   միջազգային  ճարտարապետական  միության կողմից  սահմանված  հատուկ մրցանակների և դիպլոմների:   XXII-րդ միջազգային մրցույթ ստուգատեսը հետաքրքիր    և  ներկայացուցչական է եղել մասնակիցների քանակի և աշխարհագրությոն առումով: Միջոցոռում-ստուգատեսին մասնակցել են եվրոպական երկրներից 72 բարձրագույն ճարտարապետական դպրոցներ,ներկայացնելով 514 աշխատանք: Սանկտ Պետերբուրգյան միջազգային մրցույթ ստուգատեսի պրոֆեսոնալ ժյուրիի նախագահն էր  ճարտարապետական  կրթության    աջակցման միջազգային ասոցիացիայի  նախագահ  Սերգեյ   Բրովինը:

ԵՃՇՊՀ-ի դիզայնի դեպարտամենտի ղեկավար-դեկան Լևոն Թոքմաջյանը, ներկայացնելով ուսանոցների ձեռբերումը, նշեց. «Մեր ուսանողների ներկայացրած աշխատանքները ժյուրիի գնահատմամբ աչքի են ընկել իրենց ազգային ինքնատիպությամբ և արդի ճարտարապետական խնդիրների   համարձակ և  հետաքրքիր  լուծումներով»::

«Միջազգային մրցույթ ստուգատեսները լավ հնարավորություն են ուսանողների համար ոչ միայն ներկայանալու այլև աշխարհի ճարտարապետական մտքին հաղորդ լինելու առումով ինչը շատ կարևոր է ապագա ճարտարապետի մտածողության ձևավորման հարցում: Սա   նաև  պարտավորեցնում է     հետագայում    ավելի  նորովի  հանդես  գալու համար:»,-նշեց Երևանի գլխավոր ճարտարապետ,ԵՃՇՊՀ-ի ճարտարապետական նախագծման և ճարտարապետական միջավայրի ամբիոնի պրոֆեսոր Տիգրան Բարսեղյանը:

Ճարտարապետության    և դիզայնի միջազգային  մրցույթ  ստուգատեսը   կեսդարյա  պատմություն  ունի  :  Ինչպես  խորհրդային    ժամանակներում   այնպես  էլ  Հայաստանի  անկախության    22 տարինների  ընթացքում      ԵՃՇՊՀ-ն , ինչպես նշում են բուհի պատասխանատուները,  մշտապես   մասնակցել է  ճարտապետության  և  դիզայնի    միջազգային  մրցույթ   ստուգատեսին    և  ներկայացված  աշխատանքների   գերակշիռ     մասը   արժանացել է    առաջին  և   երկրորդ     կարգի  դիպլոմների՝  միջազգային   ճարտարապետական համայքում   հաստատելով  հայկական  ճարտարապետական դպրոցի  իր   դիմագիծը: Այսպիսով՝ Երևանի ճարտարապետության և շինարարության պետական համալսարանի ուսանողների հաղթանակները միջազգային մրցույթ ստուգատեսներում ավանդական են դառնում: Նշենք նաև, որ  ԵՃՇՊՀ-ի   ճարտարապետության  դիպլոմը  պետական  ճանաչում ունի   ոչ  միայն ՌԴ-ի  և  ԱՊՀ-ի  երկրներում  այլ  նաև  Ֆրանսիայում:

 

 

Գլխավոր Թողարկում, Լուրեր
Մեկնաբանությունները փակ են: