Երկրի առաջին դեմքը դաստիարակչական աշխատանքներով է զբաղված .ովքեր են անդաստիարակներն ըստ Իմ քայլի պատգամավորի

Mar 18, 2019 Չի մեկնաբանվել

Հրացազրույց Քաղաքացիական պայմանագիր կուսակցության  անդամ, Իմ քայլը խմբակցությունից  ԱԺ  պատգամավոր Լուսինե Բադալյանի հետ:/Մաս 1-ին/

-ԱԺ –ում բավականին թեժ քննարկումներ են եղել,մասնավոր զրույցներում ձեր խմբակցության անդամներն ասել են,որ խիստ  խոսակցություններ են եղել այն նախարարների հետ,ովքեր նման շքեղություններ էին թույլ տվել:Խոսքը պարգևավճարների մասին է:Պարզ է ,որ այդ տրամաբանության հետ համաձայն չեք:Տեսնում ենք դուք քննադատում եք,հանրությունը չի ընկալում,համեմատում են քարտուղարուհիների և սահմանին կանգնած զինծառայողների աշխատավարձերը:Տեսնում ենք նաև,որ չնայած այդ կոշտ գնահատականներին,պարգևավճարները շարունակվում են,աստղաբաշխական գումարների մասին է խոսքը:Պարգևավճարներ որոշ գերատեսչություններում եղել են նաև հունվարփետրվար ամիսներին:

-Ես անկեղծ ասած մամուլում հրապարակաված աստղաբաշխական թվերի հետքով գնացի,որովհետև ինձ համար էլ նույն զարմանքը կար ,քանի որ  թեժ են եղել քննարկումները,շատ խիստ են եղել,և քնաի որ ԱԺ-ը ունի նաև վերահսկողական գործառույթ,դա նաև մեր պարտականությունն է,բացի օրենսդրական փոփոխություններ անելուց:Պարգևավճարների մասով   իրականում,որքան էլ ուսումնասիրեցինք օրենսդրությունը ,օրենքի խախտում չկար:Բայց   ոչ միայն օրենքի սահմաններում,այլ նաև բարոյականության սահմաններում ամեն ինչ պետք է արվի:Մենք այդ գործառույթը հպարտությամբ ենք վերցրել և աշխատում ենք ինչքան հնարավոր է մեր ուշադրությունից բաց չթողնել նմանատիպ խնդիրերը,դրա համար շատ զարմացա,ինչպե՞ս կարելի է  նույն թափով շարունակվել: Գնացի հետքերով:Փաստորեն աստտղաբաշխական թվերի մասին հրապարակումները ոչ միայն վերնագիրն էր ,այլ երբ   շարունակում էիր  ընթերցել,տեսնում էիր,որ կրկնում էին տարեվերջի այդ նութերն  ու թվերը:

-Այսինքն հունվար-փետրվար ամիսներին պարգևավճարներ չէին ստացե՞լ:

-Տեղեր կար ,որ չէին ստացել,տեղեր կային,որ եղել էին չնչին,այդ մեծ թվերը,որ ներկայացվում էին,  մեդիայի մանիպուլացիոն ինչ-որ բան էր,այդ փոքրը գումարել  էին այն հնին,և ստացել դրանք:

-Գոնե կարելի էր մի 3 ամիս զուսպ գտնվել:Ի՞նչ փաստարկներ էին բերում:

-Քանի որ արդեն գաղտնիք չէ,լուսաբանվել է մամուլում,որքան տևեց,որքան թեժ և բուռն էին եղել քննարկումները: Հղումն այն էր,որ ամեն ինչ պետք է արվի օրենքի սահմաններում,ու եթե օրենքով է արվել ,ապա մենք կփոխենք,այնպիսի լծակներ կունենանք ,որ սոցիալական արդարություն վերականգնվի:Ձեր ասած համամետությունը, որ զինածառայողի ,ով սահմանին է կանգնած և մյուս աշխատողների աշխատավարձը համեմատենք, պետք է արդարության մեջ  լինի:

-Կար նման բան,որ  իրենք հեղափոխական չեն,այնպիսի ղեկավարներ են, քայլելով չեն եկել իշխանության,թե՞  այլևս   այդ սահմանագծերը չկան,հեղափոխական են,թե ոչ:

-Շատ շահարկվեց այդ հեղափոխության ,քայլելու թեմաները,դրանք արդեն տհաճ են ինձ,փաստը ցույց է տալիս,որ տարբերություն կա,որովհետև շատ դժվար են գիտակցում հին համակարգում թրծված մարդիկ,որ երկրում իրավիճակ է փոխվել:Չունեն այդ գիտակցումը,իներցիայով մարդիկ գնում են:

-Գուցե Նիկոլ Փաշինյանը պետք է դասախոսություններ կարդա,հրապարակային դրա մասին  խոսի,որ ամեն  ինչը տեղ հասնի:Գուցե՞  քիչ է հրապարակային ասել,որ իրավիճակ է փոխվել:

-Դուք կարծում եք,որ քիչ է ասել,անընդհատ երկրի առաջին դեմքը դաստիարակչական աշխատանքներով է զբաղված:

-Շատ կարևոր բան ասացիք,բայց խոցելի է:Երբ դուք ասում եք այնուամնեյնիվ տարբերություն կա հեղափոխականների և ոչ հեղափոխականների միջև,տեսնում ենք ,որ նույն հեղափոխականը,ձեր նորթուխ մարզպետը,ով Հանրապետականի օրոք կարողացավ հաղթել ,գյուղապետ դառնալ,ինքն էլ համեստությամբ աչքի չընկավ:Արարատի մարզպետի մասին է խոսքը:

-Ես վստահ եմ,որ նույն Արարատի  մարզպետը դա չի կրկնի:Օրենքով բոլորն էլ ստանում են 13-րդ աշխատվարձ և միշտ են ստացել:

-Բայց ընդունեք,որ դեռ 5-6 ամիս էին աշխատել:

-Միգուցե ,սա վիճելի հարց է :Ես շատ հավանեցի քաղաքապետի մոտեցումը այս հարցին, որը բոլորին տվել էր պարգևավճար ,բացի ինքն իրենից,հաշվի առնելով այն հանգամանքը,որ ինքը այնքան չի աշխատել ,որքան մյուսները:

-Եթե դրա  մասին խոսեցիք,այնտեղ 1 միլիոն դոլարի մասին է խոսքը, ասենք ,որ այնպես չի,որ քաղաքը լավ վիճակում է:Ամբողջ օրն ասում ենք,գիտեք  ամեն մի վերելակի վերանորոգումը կամ փոխելը ինչ գումարի հարց է,անվտանգության հարցի մասին ենք խոսում:

-Ուղղակի ճանաչելով քաղաքապետարանում աշխատող շատ մարդկանց,որոնք 1 տասնամյակից ավելի են աշխատում ,ձեզ հակառակն էլ ասեմ,նրանք չէին տեսել,որ իրենց նկատմամբ որոշակի ուշադրություն է ցուցաբերվել,որն օրենքով սահմանված է:Մի քիչ էլ այդ մարդկանց տեսանկյունից էլ կարելի է նայել:

-Բա եթե ուշադիր է,ինչո՞ւ կանանց նկատմամբ էլ ուշադիր չգտնվեց ,և ավագանու  անդամ կանանց ,մյուսներին չշնորհավորեց:Ինչո՞ւ, տոն էր,գեղեցիկ,ավանդույթ կա Երևանում աչքի ընկնող ,պատվի արժանի  կանանց քաղաքապետը հրավիրում է,շնորհավորում:

-Ես ավագանու կանանց անունից իրավունքն չունեմ խոսելու,ես իմ մանդատը դրել եմ:Քանի որ իրենց հետ աշխատել եմ,ավագանու կանայք առանձնապե մեծ ուշադրություն չեն դարձնում  ձևական ,ֆորմալ ինչ –որ բաների,եթե մենք համեմատում ենք 13-րդ աշխատավարձ և ավագանու անդամների նկատմամբ ուշադրություն,ավագանու անդամը աշխատող չի,նա չի կարող պարգևավճար ստանալ,նա չի վճարվում իր աշխատռանքի համար:

-Կյանքը գեղեցիկ է նաև այդ տոներով:

-Այո,գեղեցիկ է ,եթե այդ տոները քո տղամարդն է քո համար ստեղծում, այլ ոչ թե քո ղեկավար պաշտոնյան:

Մեր քաղաքի ընտրված քաղաքապետն է:

-Շատ կազարմանայի ,որ մեր խմբակցության  կին ավագանու անդամները բողոքած  լինեին, որովհետև նրանք այնքան տարված են աշխատանքով ,որ իրենց առիթ պետք չի: Տեսնո՞ւմ են քաղաքապետը սխալ է անում,լավ բարձրաձայնում են,բայց մարտի 8-ին շնորհավորհանքը դա աշխարհի վերջը չի:

-Ասում եք տարբերություն կա հեղափոխականների և ոչ հեղափոխականների միջև ,դա լավ է:Բայց այն ,որ ասում եք այդ պարգևավճարները այդքան էլ մեծ գումար չեն կազմում,այնքան բնորոշ է այսօրվա իշխանությանը: Գրում են այսքան միլիոն,միլիարդ դրամներով ,դա նայում ես այնքան էլ մեծ թիվ չի,հայտնաբերեցինք այսինչի նկուղում, մենք հայտնաբերեցինք այսինչի կնոջ բարձի մեջ,չգիտեմ որտեղ,այս հանրությունն էլ առնվազն մի երեք օր ապրում է դրանով: Ձեր իշխանությանը բնորոշ է ինչ-որ աղմկոտ միլիոնների,զրոների մասին խոսելը:

-Մտածելակերպի հարց է,որովհետև իմ անձնական կարծիքով,եթե դու չարաշահում ես գտնում,կլինի 1 դրամ,թե 1 միլիարդ դրամ,1 միլիարդ դոլար, դա չարաշահում է :

-Նույն էլ պարգևատրումն է:Ասում եք ՝մի քիչ համեստ պարգևատրում են տվել հունվար –փետրվարին,կարելի է հասկանալ,դուք ձեր ասածին հակասում եք:

-Չէ,բայց նա օրենքով է սահմանված:Մենք խոսում ենք քաղաքապետարանի սովորական աշխատողի ամսին,որը ամսեկան ստանում է  100 000-150 000 դրամ…

Ես ՊԵԿ-ի  աշխատողների  մասին եմ խոսում,որ նրանց պարգևավճարները համեստ չեն եղել:

-Եկեք թողնենք ՊԵԿ-ի աշխատողներին,ես քաղաքապետարանի աշխատողների մասին եմ ասում:

-Բայց ՊԵԿ-ի աշխատողներն են այս ամիսներին ստացել:

-Բայց ես վստահ չեմ,միգուցե ընդհանրապես չի եղել, որտեղից այդ տեղեկությունը,մամուլի՞ց…

-Հարցում են ուղարկել ՊԵԿ-ին,ասել են՝այո,և դա հաստատվել :

-Ես դրա մասին կարող եմ խոսել այն ժամանակ,երբ որ մեզ ուղարկած հարցումը կլինի:

-Դուք էլ եք հեղափոխականների և ոչ հեղափոխականների տարբերությունը տեսնում,բայց տեսան՝Դավիթ Սանասարյան  ,ավելին քան հեղափոխական,ամիսներ շարունակ չարաշահումներ այստեղ ,այնտեղ:Այն ժամանակ նախագահի վերահսկողական մարմին էր կոչվում,հիմա կառավարության,բայց տեսնում ենք հակառակը՝ԱԱԾ-ն հայտնաբերում է Դավիթ Սանասարյանի ղեկավարած կառույցի   չարաշահումները:Ի՞նչ կասեք դրա մասին:

-Հարցը այս պահին հետաքննության փուլում է:

-Անմեղության կանխավարկածը չխախտե՞նք:

-Իհարկե չխախտենք :Ես վստահ եմ,որ Դավիթ Սանասարյանը իր ազնվությունը չի կորցրել:ինձ համար ցավալի կլինի իմանալ,որ Դավիթ Սանասարյանի ղեկավարած կառույցում, իր քթի տակ ,նման չարաշահում է տեղի ունեցել:

-Բայց եթե պարզվի,որ ինքն էլ  է մասնակից…

-Ես չէի ուզենա,որ դա այդպես լիներ:

-Չէիք ուզենա,բա ինչու եք շտապում հայտարարել,որ հեղափոխականները տարբեր են,նրանք միայն ազնիվ ճանապարհով,տեսանք ,որ հեղափոխականը…

-Չէ չտեսանք,որովհետև դեռ ապացույցներ չկան, իսկ գուցե լրիվ ուրիշ բան բացահայտվի:

-Իսկ գուցե լրիվ ուրիշ բան բացահայտվի Ռոբերտ Քոչարյանի գործի հետ կապված,Մանվել Գրիգորյանի գործի հետ կապված,ու այդպես հազարավոր անուններ:Ո՞ւր էր անմեղության կանխավարկածը ,երբ ձեր առաջնորդը գոռալով ասում էր,գնացեք ,ասֆալտին փռեք,վերցրեք,հանցագործներին բերեք ,բոլորին պատժեք,մարդիկ չեն:Ընդ որում մեծ վաստակ ունեցող ,ճանաչված մարդիկ են:

-Մի տեսակ չեմ կարողանում ընկալել Դավիթ Սանասարյանին Ռոբերտ Քոչարյանի հետ մի հարթության վրա դնելը…

-Իհարկե,որովհետև  մարդը բազմաթիվ հաղթանակներ է ունեցել,տնտեսությունը 10 անգամ առաջ է տարել,իսկ առանձնապես չգիտենք Դավիթ Սանասարյանը իր կյանքում ինչ է արել,իհարկե համեմատելու չի:Նույնը Մանվել Գրիգորյանը.մարդը բազմաթիվ հաղթանակներ  է տարել:

-Տնտեսության առաջ տանելն էլ հարաբերական հարց է,ես չէի ուզենա  այս խնդիրների մեջ խորանալ:Համաշխարհային տնտեսական ճգնաժամ կա :

-Որտեղ որ ճգնաժամ կա ասում ենք այս է,որտեղ որ հաջողություն կա չեք ուզում տեսնել:Մարդու ժամանակ ՀՆԱ-ի այդքան աճ ենք ունեցել:

-Ամեն ինչ հարաբերական է:

-Մարդը Արցախի նախագահն  է եղել, հաղթանակներ,ազատարգում…

-Ինչ ազատագրում,Արցախի նախագահ եղած ժամանա՞կ:

-Տարածքներ են ազատագրվել,հաղթանակներ:

-1990 –ականների՞ն:

-Դուք չգիտեիք,որ Արցախում նախագահ եղած ժամանակ ինչ-որ հաղթանակներ են արձանագրվե՞լ:

-Աևցախում հաղթանակներ պարբերաբար արձանագրվում են Ռոբերտ Քոչարյանից առաջ էլ,իր ժամանակ էլ ,իրենցի հետո էլ:Պարտություններ էլ են եղել:

-Դուք չգիտեի՞ք,երբ որ ինքը ստանձնեց նախագահի պաշտոնը,թե ինչ վիճակում էր Արցախը, լավ կլինի ,որ վերցնեք պատմությունը նայեք:Հետո,երբ եկավ Հայասատան,ինչքան տարածքներ էին արդեն ազատագրված:

-Շատ սիրում եմ,հատկապես,երբ ինձ են ասում պատմություն ուսումնասիրեք, ինձ շատ է դա դուր գալիս,որովհետև ես ավարատել եմ պատմության ֆակուլտետը…դպրոցում պատմության ուսուցչուհի եմ աշխատել…

-Դե երևի շատ հեռուներն եք գնացել…երևի գնացել եք Արշակունիների դարաշրջան:Ես ժամանակակից պատմության մասին եմ ասում:

-Ես նորից եմ կրկնում,և Լևոն Տեր-Պետրոսյանի ,և Ռոբերտ Քոչարյանի, և Սերժ Սարգսյանի ժամանակ եղել են հաղթանակներ և պարտություններ:Ոչ օֆիցիալ այդ պատերազմական վիճակի պայմաններում:Եթե ձեզ այդ պահին ձեռնտու է ,դուք հիշում եք հաղթանակները,եթե ձեզ այդ պահին ձեռնտու է,հիշում եք պարտությունները;

-Մենք խոսում ենք Լևոն Տեր-Պետրոսյանի,Ռոբերտ Քոչարյանի,Սերժ Սարգսյանի ,Սամվել Բաբայանի մասին և դուք ուզում եք ասել պարտությո՞ւն:

-Դուք երբեք չեք շեշտի,որ Լևոն Տեր-Պետրոսյանի օրոք մենք հաղթանակ ենք ունեցել,բայց Ռոբերտ Քոչարյանի օրոք կնշեք,որ ունեցել ենք:

-Այնքան  հրաշաի է,որ մենք ժամանակակից աշխարհում ենք ապրում և բոլոր ձայնագրությունները կան,ես ընդամենը բարեկամաբար խորհուրդ կտամ միասին ուսումնասիրենք,առնվազն մի 20 անգամ ասել եմ մեր հաղթած  երկրի նախագահ Լևոն Տեր-Պետրոսյան:

-Բոլորը խուսափում են:Ընդունեք,որ դա կա:Երբ Արցախյան հաղթանակ են ասում,ինձ մոտ դա ասոցացվում է 1990 –ականների  և Լևոն Տեր-Պետրոսյանի ղեկավարության հետ: Կոնկրետ հաղթանակներ ենք ունեցել:

-Այնտեղ էին ՌոբերտՔոչարյանը,Սամվել Բաբայանը,Արկադի Ղուկասյանը:

-Ինչ-որ այդ շրջանը անընդհատ մանևրում ենք ,դրա համար եմ ասում:Միգուցե ես հիմա չկարողանամ ձեզ հետ բանավիճել և հաղթել Ռոբերտ Քոչարյանին և Դավիթ Սանասարյանին միևնույն հարթության վրա դնելու համար…

-Միգուցե շատերն էլ վիրավորվեն,այդ մարդու հետագիծը դեռ չենք տեսել…

-Ավելի լավ է մարդը չունենա հետագիծ,քան ունենա մեղավոր հետագիծ…

-Իր ժամանակ տնտեսական զանգացում է ապրել երկիրը…

-Եթե ձեզ համար տնտեսական զարգացումն ու անմեղ զոհերը դրվում են միևնույն հարթության վրա…

-Ինչու եք հիմա անմեղության կանխավարկածը խախտում և ասում  անմեղ զոհեր…Ռոբերտ Քոչարյանին,10 զոհերի հետ կապված, որևէ մեղադրանք առաջադրված չէ,դուք հիմա խախտում եք անմեղության կանխավարկածը:

-Ես խախտում եմ անմեղության կանխավարկա՞ծը:

-10 զոհերի հետ կապված մեղադրանք առաջադրված չէ,դատական պրոցեսը չի սկսվել և դուք խախտում եք անմեղության կանխավարկածը: Իսկ տեսեք,Դավիթ Սանասարյանի դեպքում մենք չենք ուզում:

-Այնտեղ էլ չի սկսվի,չկան կոնկրետ ապացույցներ:

Շարունակությունն ՝այստեղ

Հարցազրույցը՝Նաիրա Բաղդասարյանի

Գլխավոր Թողարկում, Հարցազրույց
Անդրադարձներ չկան to “Երկրի առաջին դեմքը դաստիարակչական աշխատանքներով է զբաղված .ովքեր են անդաստիարակներն ըստ Իմ քայլի պատգամավորի”

Մեկնաբանել