Մարտի 19-ին՝ ժամը 11:00-ին, «Հենարան» մամուլի ակումբում կհյուրընկալվի Հարկ վճարողների և գործարարների իրավունքների պաշտպանության ՀԿ ղեկավար Արմեն Եսոյանը:
ԹԵՄԱ՝ Պետական տուրքի մասին ՀՀ օրենքում փոփոխություններ և լրացումներ կատարելու մասին նախագիծը. Օպերայի հարակից տարածքում սրճարանների ապամոնտաժում. գործարարիների իրավունքների պաշտպանության խնդիրները. քաղաքացիներին նպաստից զրկելու ՀՀ վարչապետ Նիկոլ Փաշինյանի հայտարարությունը
Մարտի 19-ին, ժամը 13.00 «Տեսակետ» մամուլի ակումբի հյուրերն են սոցիոլոգ Ահարոն Ադիբեկյանը և հոգեբան Իրինա Ծատուրյանը:
Թեման՝ «Մարտի 20-ին՝ Երջանկության միջազգային օրվան ընդառաջ: Երջանի՞կ է արդյոք հայ մարդը՝ հեղափոխությունից հետո: Ի՞նչ է երջանկությունը, և ի՞նչ է պետք մարդուն՝ իրեն երջանիկ զգալու համար»:
Մարտի 19-ին՝ ժամը 19.00, «Արամ Խաչատրյան» համերգասրահում «Հայաստանում Մալթայի երաժշտության օրեր» ծրագրի շրջանակներում մալթացի հայտնի ջութակահար Կարմինե Լաուրին հանդես կգա Հայաստանի պետական սիմֆոնիկ նվագախմբի հետ: Համերգային ծրագրում կհնչեն Յոզեֆ Վելլայի «Rebbieha» սիմֆոնիկ պոեմը (հայաստանյան պրեմիերա), Էրիկ Վոլֆգանգ Քորնգոլդի Ջութակի կոնցերտը (մենակատար՝ Կարմինե Լաուրի), Կամիլ Սեն-Սանսի Թիվ 3 սիմֆոնիան։ Համերգի դիրիժորներն են Սերգեյ Սմբատյանը և Իլյա Շտուպելը:
«Հայաստանում Մալթայի երաժշտության օրեր» ծրագիրը կանցկացվի մարտի 19-22-ը։ Նախաձեռնության հեղինակներն են Մշակույթի աջակցման եվրոպական հիմնադրամը՝ նախագահ Կոնստանտին Իշխանովի գլխավորությամբ, և Հայաստանի պետական սիմֆոնիկ նվագախումբը:
Մարտի 19-ին` ժամը 11:00-ին, ԱԺ 334 սրահում տեղի կունենա Գնման ընթացակարգերի կիրառման հնարավորություններին եւ ՀԲ վարկային ծրագրերի տեսանկյունից դրանց ներդաշնակեցման հեռանկարներին վերաբերող աշխատանքային քննարկում:
Մարտի 19-ին, ժամը 12:00-ին «Մեդիա կենտրոնում» տեղի կունենա մամուլի ասուլիս` նվիրված Սոցիալական աշխատանքի համաշխարհային օրվան: Ասուլիսի թեման է`«Ինչպե՞ս ստեղծել որակյալ սոցիալական ծառայություններ Հայաստանում և պայքարել աղքատության դեմ»:
Բանախոսներն են՝
Միրա Անտոնյան` Հայաստանի սոցիալական աշխատողների ասոցիացիայի նախագահ,
Աստղիկ Մինասյան` ՀՀ Աշխատանքի և սոցիալական հարցերի նախարարության Սոցիալական աջակցության վարչության պետ,
Անահիտ Սահակյան` ԵՊՀ Սոցիոլոգիայի ֆակուլտետի դեկանի տեղակալ
Աննա Մարտիրոսյան` պրակտիկ սոցիալական աշխատող, «Արաբկիր» երեխաների և դեռահասների բժշկական կենտրոնի կլինիկական սոցիալական աշխատող, «Հավատ» ՀԿ-ի սոցիալական աշխատող և խորհրդի անդամ:
Մարտի 19-ին, ժամը՝ 15:00-ին «Հոդված 3» ակումբում (հասցե՝ Թումանյան 26Ա) տեղի կունենա քննարկում «Առողջապահական խնդիրները նոր Հայաստանի հին գյուղերում» թեմայով։
Բանախոսներն են․ ԱՐՍԵՆ ԹՈՐՈՍՅԱՆ, ՀՀ առողջապահության նախարար
ՎԻՈԼԵՏԱ ԶՈՓՈՒՆՅԱՆ, «Իրավունքի զարգացման կենտրոն» ՀԿ-ի ղեկավար
ՎԱՀԱՆ ՄՈՎՍԻՍՅԱՆ, «Համայնքների ֆինանսիստների միավորում» ՀԿ-ի նախագահ
ԱՐԵՎԻԿ ՍԱՀԱԿՅԱՆ, Factor.am-ի գլխավոր խմբագիր
ՏԱԹԵՎԻԿ ՀԱՅՐԱՊԵՏՅԱՆ, Մադինա գյուղի բուժքույր ԿԱՐԻՆԵ ԽԱՉԱՏՐՅԱՆ, Միջնատուն գյուղի բուժքույր
