Տաք հետքերով վնասազերծեցին բազմաթիվ բնակարաններ թալանած եռյակին. նրանք են՝ «Դռելը», «Ուրագն» ու «Քյալբաթինը». ՖՈՏՈՌԵՊՈՐՏԱԺ

Oct 23, 2018 Comments Off on Տաք հետքերով վնասազերծեցին բազմաթիվ բնակարաններ թալանած եռյակին. նրանք են՝ «Դռելը», «Ուրագն» ու «Քյալբաթինը». ՖՈՏՈՌԵՊՈՐՏԱԺ

SHAMSHYAN.com-ի տեղեկություններով՝ երեկ՝ հոկտեմբերի 22-ին, Ոստիկանության Երևան քաղաքի վարչության քրեական հետախուզության բաժնի ծառայողները ստացված օպերատիվ տեղեկություններն իրացնելով՝ Ոստիկանության Արաբկիրի և Նոր Նորքի բաժնի իրենց գործընկերների հետ Երևանում հայտնաբերել ու վնասազերծել են բնակարանային գողերի եռյակի։ Ինչպես հայտնում է ֆոտոլրագրող Գագիկ Շամշյանը, նրանք են՝ Երևան քաղաքի Փափազյան փողոցի բնակիչ՝ 33-ամյա Լուկաշ Հարությունյանը, Երևան քաղաքի Սարի Թաղի բնակիչ՝ 39-ամյա Ալեքսանդր Քոլոզյանը և Երևան քաղաքի Նոր Նորքի 9-րդ զանգվածի բնակիչ՝ 33-ամյա Կարեն Օհանյանը։ Գ. Շամշյանի տեղեկություններով՝ երեկ, հոկտեմբերի 22-ին, Ոստիկանության Երևան քաղաքի վարչության օպերատիվ կառավարման կենտրոն է ահազանգել Արաբկիր վարչական շրջանի բնակիչ՝ 23-ամյա Մ. Ք.-ն և հայտնել, որ նույն օրը մի քանի ժամվա ընթացքում անհայտ անձը կամ անձինք հարմարեցված բանալու միջոցով բացել են իր բնակարանի դուռը և այնտեղից հափշտակել 400 ԱՄՆ դոլար, 150 հազար ՌԴ ռուբլի, 440 հազար դրամ և ոսկյա զարդեր։ Ընդհանուր առմամբ՝ տուժողը կրել է մոտ 5 մլն դրամի վնաս։ Մինչ թալանված բնակարանում զննություն էին կատարում Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնի քննիչները, Երևանի Ոստիկանության քրեական հետախույզները տաք հետքերով պարզում են՝ ովքեր են թալանողներն ու Արաբկիրի և Նոր Նորքի ոստիկանների հետ եռյակին հայտնաբերում են։ Գ. Շամշյանի տեղեկություններով՝ ոստիկանները հայտնաբերել են նաև գողոնի մի մասը, իսկ եռյակի բոլոր անդամները քննիչի որոշմամբ ձերբակալվել են։ Բոլորն էլ ունեն քրեական հարուստ անցյալ և նախկինում նմանատիպ հանցագործությունների համար 6-ից ավելի անգամներ դատապարտված են եղել։ Դեպքեր են եղել, որ նրանք 1 օրվա ընթացքում հանրապետությունում թալանել են մի քանի բնակարաններ։ Ֆոտոլրագրողի տեղեկություններով՝ Կ. Օհանյանը հայտնի է «Դռել» մականվամբ, Լ. Հարությունյանը հայտնի է «Ուրագ» մականվամբ, իսկ Ա. Քոլոզյանը հայտնի է «Քյալբաթին» մականվամբ։

«Դռել» մականվամբ Կարեն Օհանյանն է

«Ուրագ» մականվամբ Լուկաշ Հարությունյանն է

«Քյալբաթին» մականվամբ Ալեքսանդր Քոլոզյանն է

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Չդասակարգված
Մեկնաբանությունները փակ են: