Հայազգի հայտնի մեդիամենեջեր Արթուր Ջանիբեկյանը լքել է «Գազպրոմ մեդիա» ժամանցային հեռուստաընկերության գործադիր տնօրենի պաշտոնը:
Նրան կփոխարինի Դմիտրի Չեռնիշենկոն: Գրում է «Коммерсант»-ը նշելով, որ Արթուր Ջանիբեկյանն այժմ կզբաղեցնի գործադիր տնօրենի առաջին տեղակալի պաշտոնը և կպատասխանի ապրանքային ռազմավարության իրականացման համար:
Հոկտեմբերի 18-ին, ժամը 11:00-ին Հայեի ակումբի հյուրերն են ՀՀ մարդու իրավունքների առաջին պաշտպան, իրավապաշտպան Լարիսա Ալավերդյանը և Դեմոկրատական կուսակցության նախագահ Արամ Սարգսյանը:
Թեմա՝ ԱՄՆ դեսպանի հայտարարությունը, ԼՂ հիմնախնդիր:
Հոկտեմբերի 18-ին, ժամը 12:00-ին Հայեի ակումբի հյուրն է «Ազգային անվտանգություն» կուսակցության նախագահ, ՀՀ-ում Արցախի Հանրապետության մշտական ներկայացուցչության խորհրդական-խորհրդատու Գառնիկ Իսագուլյանը:
Թեմա՝ ԱՄՆ դեսպանի հայտարարությունը, ԼՂ հիմնախնդիր, ներքաղաքական իրավիճակ:
Հոկտեմբերի 18-ին, ժամը 13:00-ին Հայեի ակումբի հյուրն է քաղտեխնոլոգ Կարեն Քոչարյանը և ՀՀ ԱԺ արտաքին հարաբերությունների հանձնաժողովի նախկին նախագահ, ՀՀՇ վարչության անդամ Հովհաննես Իգիթյանը:
Թեմա՝ արտահերթ խորհրդարանական ընտրություններ, վարչապետի հրաժարական, ինչ սպասել, ինչ լուծումներ և տարբերակներ են առաջարկում բանախոսները:
Հոկտեմբերի 18-ին՝ ժամը 12:00-ին, «Հենարան» մամուլի ակումբում կհյուրընկալվի ԵՊՀ հայոց պատմության ամբիոնի վարիչ Արտակ Մովսիսյանը:
ԹԵՄԱ՝ Էրեբունի-Երևանի 2800-ամյակին նշման և արժևորման խնդիրները, սպասելիքներն ու արդյունքները. Էրեբունի հնավայրը գտնվում է անմխիթար վիճակում. Էրեբունի-Երևանի 2800-ամյակին նվիրված հրատարակվել է «Արարատ-Ուրարտու թագավորությունը» եռալեզու ալբոմը /հայերեն, անգլերեն և ռուսերեն/. ալբոմն ունի ներդիր՝ նույնանուն դոկումենտալ ֆիլմ քառալեզվով / հայերեն, անգլերեն, ռուսերեն և թուրքերեն/:
Հոկտեմբերի 18-ին՝ ժամը 13:00-ին, «Հենարան» մամուլի ակումբում կհյուրընկալվի քաղտեխնոլոգ Արմեն Բադալյանը:
ԹԵՄԱ՝ ՀՀ վարչապետ Նիկոլ Փաշինյանի հրաժարականը. ԱԺ արտահերթ ընտրություններ. ներքաղաքական զարգացումներ:
Հոկտեմբերի 19-ին, ժամը 20.00-ին , «Մոսկվա» կինոթատրոնի Կապույտ դահլիճում կկայանա «Ա1+» հեռուստաընկերության նկարահանած «Արարատի հայացքը» ֆիլմի պրեմիերան։
Հոկտեմբերի 18-ին, ժամը՝ 13.00-ին, GRAND HOTEL/ ԵՐևԱՆ հյուրանոցում (օվալաձև սրահ) տեղի կունենա մամլո ասուլիս, որտեղ նկարահանող խմբի անդամները կներկայացնեն ինչպես ստեղծվեց ֆիլմը եւ կպատասխանեն Ձեզ հետաքրքրող հարցերին։
Հոկտեմբերի 18-ին, ժամը 11:00-ին «Մեդիա կենտրոնում» տեղի կունենա քննարկում «Կադրային քաղաքականությունը հետհեղափոխական Հայաստանում» թեմայով:
Բանախոսներն են՝
Արթուր Սաքունց, Հելսինկյան քաղաքացիական ասամբլեայի Վանաձորի գրասենյակի ղեկավար
Նինա Կարապետյանց, «Հելսինկյան ասոցիացիա» իրավապաշտպան կազմակերպության ղեկավար
Մարինա Պողոսյան, «Վելես» իրավապաշտպան կազմակերպության նախագահ:
Մամլո հաղորդագրություն
«ՀՀ «Ընտրական օրենսգրքի» փոփոխությունները և հնարավոր ազդեցությունը ընտրական գործընթացների որակի վրա»
Հոկտեմբերի 18-ին, ժամը 13:00-ին «Մեդիա կենտրոնը» կանցկացնի քննարկում «ՀՀ «Ընտրական օրենսգրքի» փոփոխությունները և հնարավոր ազդեցությունը ընտրական գործընթացների որակի վրա» թեմայով:
Քննարկման բանախոսներն են ՝
Վարդինե Գրիգորյան, ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ
Համազասպ Դանիելյան, ՀՀ վարչապետին առընթեր Ընտրական օրենսգրքի բարեփոխումների հանձնաժողովի անդամ
Արմեն Մարտիրոսյան, «ժառանգություն» կուսակցության նախագահ
Անդրիաս Ղուկասյան, «Հայ կառուցողական» կուսակցություն
Հայկ Սահակյան, Քաղաքացու որոշում սոցիալ-դեմոկրատական կուսակցության նախաձեռնության անդամ
Արայիկ Պապիկյան, «Սասնա ծռեր» կուսակցություն
Հոկտեմբերի 18-ին ժամը 12:00-ին Բլից Ինֆո մամուլի ակումբի հյուրն է ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը
Թեմա`ինչ է նախատեսվում 2019թ. բյուջեի նախագծով, հաջորդ տարի սպասվող կտրուկ թանկացումներ, եկամտային հարկի նվազեցումն արդյո՞ք բարեփոխում է, վարչապետի ներկայացրած ավանդների ու վարկերի աճը որևէ առնչություն ունի՞տնտեսական վերելքի և քաղաքացիների կենսամակարդակի բարձրացման հետ, երիտասարդ ընտանիքների համար առաջարկվող հիպոթեկային վարկի առավելություններն ու բացթողումները:
Հասցե` Արշակունյաց 2
Ս.թ. հոկտեմբերի 18-ին՝ ժամը 15:00-ին, հաշմանդամություն ունեցող երեխաների վերականգնողական «Լուսէ» կենտրոնում (հասցե՝ Իսրայելյան 3) Աղետների ռիսկերի նվազեցման միջազգային օրվա առթիվ տեղի կունենա «Սուպեր Դավիթը ընդդեմ կրակի» կրթական խաղի շնորհանդեսը։
Սույն թվականի հոկտեմբերի 18-ին ժամը 11։30-ին Հայաստանի Գեղարվեստի Պետական Ակադեմիայի Ալբերտ և Թովէ Բոյաջյան ցուցասրահ կայցելի Հայաստանում Ֆրանսիայի դեսպան Ժոնաթան Լաքոտը, դիտելու համար Հայաստանում Ֆրանկոֆոնիայի 2018թ․Գագաթաժողովի կապակցությամբ կազմակերպված գեղանկարչության ամբիոնի դասախոսների ցուցահանդեսը։
Հասցե՝ Իսահակյան 36
հոկտեմբերի 18-ին տեղի կունենա Հայաստանում Ֆրիդրիխ Էբերտ հիմնադրամի ներկայացուցչության աջակցությամբ Քաղաքական գիտության Հայաստանի ասոցիացիայի կողմից հրատարակված «Perspectives of Co-Existence of the EU and EAEU Integration Processes. The Case of Armenia» («Եվրամիության և Եվրասիական տնտեսական միության ինտեգրացիոն գործընթացների փոխգոյակցության հեռանկարները. Հայաստանի օրինակը») անգլերեն/ռուսերեն գրքի շնորհանդեսը: Շնորհանդեսին մասնակցում են գրքի հեղինակներ՝ Երևանի «Տարածաշրջանային հետազոտությունների կենտրոնի» ղեկավար Ռիչարդ Գիրագոսյանը, Բրյուսելի «Եվրոպական աշխարհաքաղաքական Ֆորումի» հետազոտությունների գծով ղեկավար Ջորջ Վլադ Նիկուլեսկուն և Սանկտ Պետերբուրգի պետական համալսարանի համաշխարհային քաղաքականության ֆակուլտետի պրոֆեսոր, քաղաքական գիտությունների դոկտոր Մարիա Լագուտինան: Հրավիրված են նաև ՀՀ-ում Ռուսաստանի Դաշնության և Բուլղարիայի Հանրապետության արտակարգ և լիազոր դեսպանները, դիվանագիտական կորպուսի այլ ներկայացուցիչներ:
