Լեհ վերլուծաբան․ նկատելի չէ՝ ՀՀ-ԵՄ համաձայնագիրը հարկավո՞ր է Հայաստանին, թե՞ ոչ

Oct 11, 2018 Comments Off on Լեհ վերլուծաբան․ նկատելի չէ՝ ՀՀ-ԵՄ համաձայնագիրը հարկավո՞ր է Հայաստանին, թե՞ ոչ

ՀՀ-ԵՄ համաձայնագրի վավերացման գործընթացը Հայաստանում տեղի ունեցած դրամատիկ իրադարձություններից հետո էականորեն դանդաղել է: Նման գնահատական է տվել լեհ վերլուծաբան Կոնրադ Զաշտովտը՝ «168 Ժամ» թերթի հետ զրույցում։

Ներկայում, Զաշտովտի համոզմամբ, այն, ինչ տեղի է ունենում այդ համաձայնագրի շուրջ, հայկական կողմի ցանկությունն է կամ ներկա կարողությունների վերին շեմը՝ հաշվի առնելով այն փոփոխությունները, որոնք դեռ ընթանում են Հայաստանում:

«ԵՄ-ն պետք է որոշ ժամանակ տա ՀՀ նոր իշխանություններին, որպեսզի նրանք մանրամասնորեն ուսումնասիրեն փաստաթուղթը և իրենց առաջարկությունները ներկայացնեն անհրաժեշտության դեպքում: ՀՀ իշխանություններն էլ թեկուզ դանդաղ, բայց որոշակի աշխատանք պետք է իրականացնեն՝ գործընկերների մոտ հարցեր չառաջացնելու համար»,- «168 Ժամին» ասել է Զաշտովտը:

Վերլուծաբանի խոսքով՝ նկատելի չէ` արդյո՞ք այդ համաձայնագիրը հարկավոր է Հայաստանին թե ոչ: Ըստ նրա՝ տպավորությունը գուցե նրանից է, որ հայկական կողմը կենտրոնացած է ներքին կյանքի վրա։

Գլխավոր Թողարկում, Մամուլ
Մեկնաբանությունները փակ են: