Վանեցյանը հայկական ֆուտբոլի ղեկին. ՈՒԵՖԱ-ի պաշտոնական կայքի անդրադարձը

Sep 24, 2018 Comments Off on Վանեցյանը հայկական ֆուտբոլի ղեկին. ՈՒԵՖԱ-ի պաշտոնական կայքի անդրադարձը

ՈՒԵՖԱ-ի պաշտոնական կայքն անդրադարձել է Հայաստանի ֆուտբոլի ֆեդերացիայի նախագահի պաշտոնում Արթուր Վանեցյանի ընտրությանը:   ՈՒԵՖԱ-ի պաշտոնական կայքը նշում է, որ 38-ամյա Արթուր Վանեցյանը Հայաստանի ֆուտբոլի ֆեդերացիայի նախագահի պաշտոնում ընտրվել է 4 տարի ժամկետով:

«Ընտրությունից հետո ունեցած ելույթում նա ասել է, որ ղեկավարելու է «ֆուտբոլը բոլորի համար» սկզբունքով և կանի ամեն հնարավոր բան՝ հայկական ֆուտբոլը զարգացման նոր մակարդակի բարձրացնելու համար»,- գրում է ՈՒԵՖԱ-ի պաշտոնական կայքը:

Կայքը նաև  ընդգծում է, որ ՀՖՖ նոր նախագահը հայտնել է, որ ֆեդերացիան աշխատելու է ապագայում տաղանդավոր ֆուտբոլիստներին բացահայտելու նոր համազգային համակարգ մշակելու ուղղությամբ:  «Մենք պետք է ընդլայնենք հայկական ֆուտբոլի աշխարհագրությունը և իրականացնենք լայնամասշտաբ աշխատանքներ մարզերում»,- Արթուր Վանեցյանի խոսքերն է մեջբերում ՈՒԵՖԱ-ի պաշտոնական կայքը:

Գլխավոր Թողարկում
Մեկնաբանությունները փակ են: