Արամ Կարապետյանը ֆեյսբուքյան իր էջում գրում է. «Ժողովուրդ ջան, իհարկե, հանրահավաքը լավ է, բայց 21-րդ դարում՝ հանրահավաքներով ու երթերով հարցեր չես լուծի… Ոչ էլ ՝ «Աթենքյան» ( մ.թ.ա. 507 թիվ) ուղիղ ժողովրդավարությամբ…»:
Սեպտեմբերի 21-ին` ժամը 11:00-ին, «Պոստ Սկրիպտ» մամուլի ակումբում Երևանի ավագանու «Երևանցիներ» դաշինքի առաջին համար Արարատ Զուրաբյանը կամփոփի քարոզարշավը ու կխոսի դաշինքի սպասելիքների մասին:
Սեպտեմբերի 21-ին, ժամը 11.00-ին Sputnik Արմենիա մուլտիմեդիոն մամուլի կենտրոնում կկայանա Ռեֆորմիստների կուսակցության` Երևանի ավագանու թեկնածուների մամուլի ասուլիսը:
Մամուլի ասուլիսի ընթացքում Ռեֆորմիստների կուսակցության ցուցակի առաջին երեք հորիզոնականները զբաղեցնող Արտակ Ավետյանը, Լիլիթ Հովհաննիսյանը և Կարեն Վարդանյանը կպատմեն, թե ինչ ապագա են նրանք պատրաստում Երևանի և երևանցիների համար:
Վաղը՝ սեպտեմբերի 21-ին ժ. 12:00 տեղի կունենա «Ժառանգություն» կուսակցության ավագանու ընտրությունների քարոզարշավի ամփոփումը՝ ավագանու թեկնածուների եւ Րաֆֆի Հովհաննիսյանի գլխավորությամբ:
Հանդիպման վայրը՝ Արամ Խաչատությանի արձանի հարակից տարածք:
Հայտնում եմ Ձեզ, որ սեպտեբերի 21-ին` ժամը 18:30-ին, Հյուսիսային պողոտայում «Բարգավաճ Հայաստան» կուսակցությունը կամփոփի Երևան քաղաքի ավագանու արտահերթ ընտրությունների քարոզարշավը՝ ելույթով հանդես կգա ԲՀԿ նախագահ Գագիկ Ծառուկյանը:
