Արտակարգ դրության վերացման առիթով թուրք պատգամավորը սափրել է մորուքը (լուսանկարներ)

Jul 20, 2018 Comments Off on Արտակարգ դրության վերացման առիթով թուրք պատգամավորը սափրել է մորուքը (լուսանկարներ)

Թուրքիայում հուլիսի 19-ից սկսած, տեղական ժամանակով 01։00-ից, դադարեցվել է շուրջ 2 տարի տևած արտակարգ դրությունը։ Արտակարգ դրությունը սահմանվել էր 2016թ ռազմական հեղաշրջման փորձից մի քանի օր հետո՝ հուլիսի 21-ին։ Այնուհետև այն երկարաձգվել էր 7 անգամ։

«Էրմենիհաբեր»-ի փոխանցմամբ, հուլիսի 24-ին Թուրքիայում կայացած արտահերթ ընտրություններից առաջ իշխանությունները խոստացել էին վերացնել արտակարգ դրությունը։

Վերջինիս վերացման կապակցությամբ Թուրքիայի ընդդիմադիր քեմալական «Ժողովրդահանրապետական կուսակցության» (ԺԴԿ- CHP) Մերսինի պատգամավոր Այթուղ Աթըջըն սափրել է իր մորուքը։ Նա մորուք էր պահել, որպեսզի իր բողոքը արտահայտի Թուրքիայում սահմանված արտակարգ դրության վերաբերյալ։

Աթըջըն մորուքը պահում էր արտակարգ դրության սահմանումից ի վեր։ Ընդ որում պատգամավորը իր երկար մորուքը սափրել է լրագրողների առջև՝ Թուրքիայի խորհրդարանի գեղեցկության սրահներից մեկում։ Աթըջըն լրագրողների հետ զրույցում ասել է.

«2 տարին դժվար և երկար անցավ։ Մերսինի նման տեղում մորուք պահելը ինձ շատ հոգնեցրեց, սակայն ես աշխատում էի խոստումս պահել։ Իմ իրականացրած ակցիան խաղաղ էր և ոչ մեկին վնաս չտվեց»:

Գլխավոր Թողարկում
Մեկնաբանությունները փակ են: