Ինչ են հուշում ու պարտադրում աստղերը

Apr 22, 2018 Comments Off on Ինչ են հուշում ու պարտադրում աստղերը

2015թ. թվականին հունիսին Երեւանն այլ կյանքով էր ապրում: Երբ էլեկտրաէներգիայի թանկացման դեմ բողոքող քաղաքացիները փակեցին Բաղրամյան պողոտան, սկսվեց նստացույց, քաղաքի ծայրամասերում եւ անգամ կենտրոնական հատվածում ապրողներից շատերը բողոքի ակցիայի մասին իմացան միայն այնքանով, որ մարդիկ փակել են փողոցն ու խանգարում են երթեւեկությանը: Սակայն «Էլեկտրիկ Երեւանը» համաքաղաքային դարձավ, ինչ-որ պահի նաեւ՝ համահայաստանյան:

2018 թվականի ապրիլ, թվում էր, թե ճակատամարտն իսկապես ավարտվել է եւ Նիկոլ Փաշինյանն ու իր թիմը ռազմի դաշտ են մեկնում, երբ ավերածություններից բացի այլ բան չի մնացել , քանզի 2017-ի ապրիլին ՀՀԿ-ն արդեն հաղթել էր կռվում, հերթական անգամ յուրացրել իշխանությունը , ուստի մեկ տարի անց առանց դիմադրության Սերժ Սարգսյանին կընտրվի վարչապետ, սակայն դա միայն թվում էր: Ինչպես երեք տարի առաջ էր՝ մարդիկ Բաղրամյան պողոտա էին գալիս միմյանց հետ շփվելու, գաղափարներ կիսելու, գիրք կարդալու, երգելու ու պարելու, խաղալու կամ պարզապես զբոսնելու, մայրաքաղաքում մի մի որոշ ժամանակ համատարած փոխըմբռնման մթնոլորտ էր, որ կարող էինք իրար հասկանալ, միմյանց սիրել, չաղտոտել մեր քաղաքը ու չարությամբ չլցվել միմյանց հանդեպ, առավել ընդգրկուն մասշտաբներով այսօր է: Անկախ նրանից՝ ով ինչ նպատակ էր հետապնդում Էլեկտրի Երեւանի ժամանակ կամ ով ինչ արդյունքի հասավ այդ պայքարով, էլեկտրաէներգիայի գների բարձրացման դեմ բողոքող երիտասարդների ու ոչ երիտասարդների գոնե մեծ մասի պահվածքում անկեղծություն ու սեր կար միմյանց հանդեպ եւ լավ երկիր ունենալու անհագ ցանկություն: Երեք տարի հետո փոխվել է մասշտաբայնությունը, մայրաքաղաքից տարածվել ողջ Հայաստանով մեկ: Այս շարժմանը գիրք չեն կարդում եւ ոչ էլ խաղում, այստեղ քայլում են ու վազում՝ օր առաջ իրագործելու լավ երկիր ունենալու սեփական Քայլը: Ինչպես էլեկտրիկի ժամանակ, այսօր էլ շարժմանն աջակցում են հայրենի մտավորականության ու արվեստի գործիչները, պարզապես հայտնի մարդիկ, սակայն երեք տարի առաջ նրանց քայլն այսքան խոցելի չէր, որքան հիմա է: Եթե մարդիկ, այդ թվում իշխանանության հովանու ներքո ապրող դերասանը, երգիչը կարող էին բողոքի ձայն բարձրացնել Ռուսաստանի կողմից պարտադրված հոսանքի գնի թանկացմանը ու ներվել, ապա այսօր բոլորովին այլ է իրավիճակը: Կոնկրետ խնդիր է դրված ՝ <<Մերժել Սերժին>>, իսկ միայն այս կարգախոսին ծափահարելը մահացու կարող է դառնալ շատ ու շատերի համար: Խոսքն անշուշտ Ռուբեն Հախվերդյանի, Լալա Մնացականյանի եւ մյուսների մասին չէ, որոնք որեւէ թելով կապված չեն իշխանություններին եւ բոլոր ժամանակներում իշխանությունների երեսին են նետել նրանց թերությունները, այլ բոլոր մնացածների, որոնց մշտապես գնացել են իշխանությունների գծած հունով եւ փոքրիկ շեղումն այդ հունից ցանկացածի համար ճակատագրական է դարձել: Այսպիսով հանրահավաքին են միացել ու աջակցություն հայտնել «Արմենիա» ՀԸ «Նռան հատիկ» սերիալի դերասանուհիներ Ջուլիետա Ստեփանյանը եւ Ալինա Մարտիրոսյանը, ինչպես նաեւ այլ հեռուստասերիալային աստղեր Անուշկա Մարգարյանը, Բեն Ավետիսյանը, Հայկ Չոմոյանը, հաղորդավար Հովհաննես Ազոյանը եւ անգամ Անժելա Սարգսյանը՝ Լոսում: Նկատի ունենալով այս իշխանությունների ձեռագիրը, մարդիկ, որոնք մերժում են Սերժին, նույն պահից մեղմ ասած կմերժվեն նաեւ բոլոր հեռուստաընկերությունների կողմից, կմերժվեն բոլոր սերիալներից եւ առհասարակ ասպարեզից: Մի՞թե այլեւս լցվել է բոլորի համբերության բաժակը, մի՞թե դերասանները պատրաստ են մի օրում կորցնել ամեն ինչ՝ իշխանափոխության աղոտ հեռանկարի դիմաց, ցույց կտա ժամանակը: Հիշեցնենք, սակայն, որ 2015-ին, երբ ցուցարարները շարունակում էին պարել Բաղրամյան պողոտայի վրա, Մոսկվան համաձայնեց թույլ տալ դատել ռուս զինվոր Վալերի Պերմյակովին Գյումրի քաղաքում, որտեղ հունվարին տեղի էր ունեցել սարսափելի ողբերությունը:Մոսկվան նաև վերջապես խոստացավ 200 մլն դոլար հատկացնել մեր պաշտպանության համար, մինչդեռ նախկինում Ռուսաստանը զինում էր միայն Ադրբեջանը:

Միգուցե այսօր կրկնությունն է 2015-ի, իսկ թե որն է լինելու մեր ձեռքբերումը, ժամանակը շատ սպասեցնել չի տա:

Անի Սահակյան

Գլխավոր Թողարկում, Վերլուծություն
Մեկնաբանությունները փակ են: