ՀԺ-ի լրագրողը Բաղրամյան պողոտայից տեղեկացնում է, որ քիչ առաջ ՀՀ ոստիկանապետ Վլադիմիր Գասպարյանը այցելել է այնտեղ: Նրան տեսնելուն պես ոստիկանական զորքերը մեջքով շրջվեցին դեպի ցուցարարները եւ սկսեցին երգել՝ «Հայեր միացեք, միացեք հայեր» երգից մի հատված: Այդ ընթացքում Վլադիմիր Գասպարյանը ժպտում էր եւ ծափահարում ոստիկաններին:
Ոստիկանների երգին ի պատասխան ցուցարարները վանկարկեցին. «Քայլ արա, մերժիր Սերժին»:
Ապրիլի 20-ին ,ժամը 13:00-ին Հայելի ակումբի հյուրերն են ԱԶԱՏ ԵՂԻԱԶԱՐՅԱՆ (Բանասիրական գիտությունների դոկտոր, պրոֆեսոր), ԱՐՄԱՆ ՆԱՎԱՍԱՐԴՅԱՆ (արտակարգ ու լիազոր դեսպան, Հայ-ռուսական համալսարանի համաշխարհային քաղաքականության և միջազգային հարաբերությունների ամբիոնիվարիչ), ՎԱՀԱՆ ՀԱՄԱԶԱՍՊՅԱՆ (Հայաստանի հելիոֆիկացիայի ծրագրի հեղինակ, տեխ.գիտություննրի.դոկ.), ԱՐԱՄ ՍԱՐԳՍՅԱՆ (Հայաստանի դեմոկրատական կուսակցության նախագահ, <<Քաղաքակրթությունների երկխոսություն>> ազգային կենտրոն ՀԿ ղեկավար)
Թեմա՝ ներքին քաղաքական իրավիճակ, «Իմ քայլը» շարժում և ոստիկանության գործողություններ, ինչպե՞ս կզարգանան գործընթացները
Ապրիլի 20-ին, ժամը՝ 10։00-ին, ՀՀ Գիտությունների ազգային ակադեմիայի նախագահության կլոր դահլիճում (Բաղրամյան 24, կենտրոնական մուտք, 2-րդ հարկ) տեղի կունենա «Երիտասարդական ոչ ֆորմալ աշխատանք և ֆորմալ երիտասարդական հետազոտություններ» միջազգային քառօրյագիտաժողովի բացման հանդիսավոր արարողությունը։
Ապրիլի 20-ն` ժամը 11.00-ին «Զարկերակ» մամուլի ակումբում (Հասցե Բյուզնադի 3/1 (Երգի պետական թատրոնի հարևանությամբ, մանրամասները 098-50-93-50 հեռախոսահամարով) տեղի կունենա փաստաբան Գևորգ Դավթյանի և հոգեբան Սամվել Խուդոյանի ասուլիսը:
Թեմա՝ «Իմ քայլը» շարժման և ոստիկանության գործողությունների իրավական ու հոգեբանական գնահատականը: Ինչպիսի՞ հոգեբանական գործիքներ են օգտագործվում և ի՞նչ քայլերի է պատրաստ հոգեբանակն նման իրավիճակում գտնվող սոցիումը: Ինչո՞վ է տարվերվում «Իմ քայլի» գործողություններն այլ նմանտաիպ շարժումներից
ապրիլի 20-ին, ժամը 11։00 Բիզնես Արմենիան հրավիրում է լուսաբանելու Հայաստանում չինական «Նյու Յիդա» ընկերության ներդրումային խոշոր ծրագրի մեկնարկը, որը տեղի կունենա ՀՀ Տնտեսական զարգացման և ներդրումների նախարարության շենքի 9-րդ հարկի դահլիճում (հասցե՝ ք. Երևան, Մ. Մկրտչյան 5)
Բնախոսներ` Լուո Գանգ, «Նյու Յիդա» ընկերության գործադիր տնօրեն,
Արմեն Ավակ Ավակյան, Բիզնես Արմենիայի գործադիր տնօրեն
Հայկ Միրզոյան, Բիզնես Արմենիայի Գործարարների աջակցության խմբի ղեկավար
Ապրիլի 20-ին՝ ժամը 12:00-ին, «Մեդիա կենտրոնում» (հասցե՝ Սարյան 30, 3-րդ հարկ) տեղի կունենա քննարկում «Հայաստանում խորանում է քաղաքական ճգնաժամը. ինչպե՞ս կզարգանան գործընթացները» թեմայով:
Բանախոսներն են` Արթուր Մարտիրոսյան, Բանակցային գործի մասնագետ, CM&Partners ընկերությունում ավագ խորհրդատու
Ալեքսանդր Իսկանդարյան, Կովկասի ինստիտուտի տնօրեն, քաղաքագետ
«SportWay 2018» ցուցահանդեսի բացումը տեղի կունենա ապրիլի 20-ին՝ ժամը 12.00-ին, «Երևան Էքսպո» կենտրոնում (Երևան, Հ. Հակոբյան 3, «Երևանի մաթեմատիկական մեքենաների գիտահետազոտական ինստիտուտ» ՓԲԸ): Հանդիսավոր արարողությունից հետո նախատեսվում է ցուցահանդեսին մասնակցելու համար Երևան ժամանած հայտնի բլոգեր,ճանապարհորդ Ալեքսանդր Լապշինի ասուլիսը։
