«Սերժ Սարգսյանն ավելի է կառչել իշխանությունից, քան Ռոբերտ Քոչարյանը». Լևոն Բարսեղյան (video)

Apr 10, 2018 Comments Off on «Սերժ Սարգսյանն ավելի է կառչել իշխանությունից, քան Ռոբերտ Քոչարյանը». Լևոն Բարսեղյան (video)

hayeli.am-ի հետ զրույցում լրագրողների «Ասպարեզ» ակումբի խորհրդի նախագահ Լևոն Բարսեղյանը վստահություն հայտնեց, որ Կարեն Կարապետյանը եկավ որպես վարչապետ, որպեսզի լրացուցիչ քվեներ ապահովի ՀՀԿ-ի համար. «Կարեն Կարապետյանը ՀՀԿ-ի PR-ի գծով որոշված ֆիգուրն էր, ով եկավ, որպեսզի զբաղվի ՀՀԿ-ի կերպարի բարելավմամբ: Չգիտեմ՝ որքան հաջողվեց Կարեն Կարապետյանին, գուցե առանց Կարեն Կարապետյանի էլ ՀՀԿ-ն խորհրդարանում այդքան ձայն հավաքեր»:
Լևոն Բարսեղյանը, խոսելով 2014թ.-ին ապրիլի 10-ին Սերժ Սարգսյանի հայտարարությունից, ըստ որի՝ ինքը երրորդ անգամ չի ղեկավարելու երկիրը, նշեց. «Սահմանադրական բարեփոխումների ժամանակ 824 հազար մարդ կողմ քվեարկեց սահմանադրությանը, որպեսզի Սերժ Սարգսյանն այլևս չլինի երկրի ղեկավար: Բայց, Սերժ Սարգսյանը հեշտությամբ չի հրաժարվի իշխանությունից»:
Լևոն Բարսեղյանի խոսքով՝ Սերժ Սարգսյանն ավելի մեծ խնդիր ունի իր անվտանգության, գույքի, ունեցվածքի հետ կապված. «Ո՞վ պետք է երաշխավորի Սերժ Սարգսյանին, որ եթե Հայաստանում տեղի ունենա արմատական իշխանափոխություն, իրեն պատասխանատվության չեն կանչելու: Դրա համար նրա համար շատ կարևոր է՝ իշխանությունը մնա իր ձեռքում, կամ իրեն հնազանդ մարդկանց ձեռքում»:
Մանրամասները՝ տեսանյութում.

Գլխավոր Թողարկում, Հարցազրույց
Մեկնաբանությունները փակ են: