Հերթական բախում պատգամավորների միջև Թուրքիայի խորհրդարանում (տեսանյութ)

Mar 14, 2018 Comments Off on Հերթական բախում պատգամավորների միջև Թուրքիայի խորհրդարանում (տեսանյութ)

Թուրքիայի խորհրդարանում ընդունվեց ընտրական կարգերի մասին նոր օրենք, որը քննադատության է արժանացել ընդդիմության կողմից: Խորհրդարանում դրա ընդունումից հետո գրանցվեցին բախումներ։

Թուրքիայի խորհրդարանն ընդունել է ընտրությունների կարգի վերաբերյալ մի օրինագիծ, որը խիստ քննադատության է ենթարկվել ընդդիմության կողմից: Օրինագծի հակառակորդները կարծում են , որ այս փոփոխուփյունները կնպաստեն ընտրակեղծիքների տարածմանն ու ընտրությունների արդար ընթացքի խափանմանը:

Խորհրդքարանում բախում է գրանցվել ընդդիմադիր ու իշխանամետ պատգամավորների միջև այն բանից հետո, երբ հայտարարվեց օրինագծի ընդունման մասին:

Օրինագծի հակառակորդները հայտնում են, որ այս փոփոխությամբ Ընտրական բարձրագույն խորհրդին է տրվում լայն լիազորություններ, ներառյալ ընտրատեղամասերի միավորման և քվեատուփերի տեղաշարժման վերաբերյալ: Քվեաթերթիկների վրա չի դրվի տեղական ընտրատեղամասի կնիք: Այս որոշումները կայացվել են անցած տարի հանրաքվեի ընթացքում, որոնք քննադատության լայն ալիք են բարձրացրել:

Այս նոր օրենքը նաև թույլ է տալիս անվտանգության ուժերի մուտքն ընտրատեղամաս, եթե դա պահանջի որևէ ընտրող: Իշխանություններն այս դրույթը բացատրում են Քրդստանի աշխատավորական կուսակցության դեմ միջոցառումներով, հատկապես քրդերով բնակեցված հարավային շրջաններում: Ընդդիմադիր պատգամավորները, սակայն, պնդում են, որ անվտանգության ուժերի ներկայությունն ընտրատեղամասերում կխափանի ընտրությունների թափանցիկությունն ու արդար ընթացքը:

Գլխավոր Թողարկում
Մեկնաբանությունները փակ են: