Խոշոր ավտովթար Երևանում. Սարալանջի փողոցում 22-ամյա վարորդը Toyota-ով բախվել է պատին. կան վիրավորներ. ՖՈՏՈՌԵՊՈՐՏԱԺ

Mar 13, 2018 Comments Off on Խոշոր ավտովթար Երևանում. Սարալանջի փողոցում 22-ամյա վարորդը Toyota-ով բախվել է պատին. կան վիրավորներ. ՖՈՏՈՌԵՊՈՐՏԱԺ

Երեկ՝ մարտի 12-ին, խոշոր ավտովթար է տեղին ունեցել Երևանում: Ժամը 19:00-ի սահմաններում Սարալանջի փողոցում Արցախի Հանրապետության Ստեփանակերտ քաղաքի բնակիչ, 22-ամյա Կարեն Միքայելյանը իր վարած Toyota Camry մակնիշի 20 NN 808 համարանիշի ավտոմեքենայով բախվել է պատին: Ինչպես հայտնում է ֆոտոլրագրող Գագիկ Շամշյանը, վթարի հետևանքով Ստեփանակերտ քաղաքի բնակիչներ՝ 21-ամյա Նարեկ Ենգիբարյանը և 21-ամյա Հարութ Բախտամյանը տեղափոխվել են թիվ 1 համալսարանական հիվանդանոց: Դեպքի վայր են ժամանել ճանապարհային ոստիկանության 1-ին սպայական գումարտակի ծառայողները: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննչական խումբը՝ բաժնի պետ Ալբերտ Նազարյանի և ավագ հետաքննիչ Հրանտ Աբրահամյանի գլխավորությամբ, ում կողմից փաստի առթիվ նյութեր են նախապատրաստվում:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները՝ Սմբատ Պետրոսյանի

Գլխավոր Թողարկում, Դեպքեր և իրադարձություններ
Մեկնաբանությունները փակ են: